.webp){kind=icon}
Стопанска банка АД – Скопје денеска го најави почетокот со работа на својата нова компанија – Стопанска лизинг. Од банката велат дека ова е логично продолжение на сето она што Стопанска банка секојдневно им го обезбедува на своите многубројни клиенти.
Стопанска лизинг се наоѓа во центарот на градот а на сите физички лица и компании ќе им ги нуди сите финансиски или оперативни лизинг производи.
На отворањето присуствуваа претставниците од Управниот одбор на Стопанска банка и претставниците од Групацијата на NBG.
„Претставува голем предизвик да се носиме со наследство од речиси 80 години во банкарството, со постојан стремеж кон иновација и понатамошен развој со цел да се оствари уште посветла иднина. Но, тоа е она што ни го доверија нашите акционери и заедницата и тоа е причината зошто неуморно работиме да докажеме дека Стопанска е бренд кој зрачи со сигурност, доверба, партнерство и развој. Ми претставува задоволство што денеска отпочнуваме со уште една дејност во нашето портфолио со ветување дека на клиентите на Лизинг компанијата ќе им овозможиме највисоко ниво на финансиска поддршка и советување, впрочем, како и на клиентите на Стопанска банка АД – Скопје, изјави Диомидис Николетопулос, генерален извршен директор и претседател на Управниот одбор на Стопанска банка АД – Скопје.
Директор на Стопанска лизинг е Жарко Кржаловски.
Денеска сме тука за да ја одбележиме завршницата на еден период на енергични подготовки, организациско структурирање и вложување со цел да се отпочне со нова приказна на пазарот. Со Стопанска лизинг пазарот се збогатува со нов финансиски партнер за компаниите и физичките лица, несебично поддржан од препознатливите брендови Стопанска банка и Групацијата на NBG. Денешното отворање на вратите е симболично, со оглед на тоа што сакаме да сме постојано отворени за нашите клиенти и да им понудиме одржливи лизинг продукти и услуги. Би сакал да им се заблагодарам на сите вклучени во овој процес и да ги поканам сите заинтересирани клиенти да нѐ посетат или контактираат, рече Кржаловски.
