„Макпетрол“ АД Скопје во првите три месеци од годинава оствари добивка од 193,1 милиони денари (3,1 милиони евра), што е зголемување од 13 проценти во однос на истиот период претходната година кога добивката на компанијата изнесуваше 171,1 милиони денари (2,7 милиони евра), покажува неконсолидираниот биланс на успех на компанијата објавен преку Македонската берза.
Прочитај повеќе
„Макпетрол“: РКЕ носи одлуки без консултации што ги загрозуваат трговците и стабилноста на пазарот
Од компанијата реагираат откако признатиот трошок за работење преку склад беше намален за околу 30 проценти по литар.
30.03.2026
„Макпетрол“ ќе продава горива по цени пониски од максималните објавени од РКЕ
Дизел-горивото на „Макпетрол“ од вечерва по полноќ ќе се продава по цена пониска за три денари од таа објавена од Регулаторната комисија за енергетика.
24.03.2026
Раст на приходите и добивката, но што не е спектакуларно кај „Макпетрол“?
Профитабилноста порасна на сите нивоа, подобрена е структурата на продажбите и оперативната ефикасност
27.02.2026
Од компанијата информираа дека работеле успешно во турбулентен период предизвикан од кризата на Блискиот Исток и дека остварената добивка е за 24,96 проценти помала од планираната.
„Главната причина поради која не е во целост остварен планот за работење на компанијата за првиот квартал на 2026 година е ескалацијата на енергетската криза во текот на март, дополнително засилена од серијата еднострани регулаторни одлуки кои беа во директна колизија со пазарната логика и економската одржливост на работењето“, наведуваат од компанијата.
Оттаму очекуваат стабилизација на глобалната криза во наредниот период, а со тоа и на македонскиот пазар.
.webp){kind=icon}
