Банката „ЏП Морган Чејс“ (JPMorgan Chase) годинава веројатно ќе потроши околу милијарда долари повеќе отколку што предвидуваше раководството минатиот месец, изјави извршниот директор Дајмон.
Годишните трошоци на компанијата ќе бидат поблиску до 106 милијарди долари, отколку до износот од 105 милијарди долари што раководството го предвиде во април при објавувањето на финансиските резултати, изјави Дајмон во средата на конференција за стратешки одлуки организирана од инвестициската компанија „Бернстајн“ (Bernstein).
Тој рече дека зголемувањето на трошоците главно е последица на подоброто работење, па таа дополнителна милијарда долари не е лоша вест, наведувајќи ги како причина надоместоците од инвестициското банкарство, кои ги надминале очекувањата, како и повисоките приходи од тргување.
Прочитај повеќе
„ЏП Морган“ ќе вработува повеќе специјалисти за вештачка интелигенција, а помалку банкари
Коментарите на Дајмон го нагласуваат поширокото насочување на индустријата кон автоматизација што ја преобликува глобалната финансиска работна сила.
21.05.2026
Дајмон од „ЏП Морган“: САД и Европа мора да ги решат „глупавите“ трговски проблеми
Извршниот директор на „ЏП Морган“, Џејми Дајмон, изјави дека решавањето на „глупавите“ трговски проблеми меѓу САД и Европа ќе го отвори патот за раст.
13.05.2026
Дајмон од „ЏП Морган“ повторно предупредува на ризиците од пад на кредитниот пазар
Некои фирми „можеби се брилијантни, но ви гарантирам дека не сите 1.000 од нив се“, рече Дајмон.
28.04.2026
Дајмон вели дека тековната ситуација наликува на онаа пред финансиската криза во 2008 година
Извршниот директор на „ЏП Морган“ алармира за опасностите од ризичните кредити и вештачката интелигенција, кои би можеле да ја нарушат стабилноста на пазарот.
24.02.2026
На Волстрит, раководителите го промовираат принципот „колку ќе заработиш, толку ќе добиеш“, нудејќи им на трговците и склучувачите договори бонуси во согласност со приходите што ги остваруваат. Тоа значи дека подемот во инвестициското банкарство и тргувањето на берзите често директно се одразува врз растот на трошоците за плати и бонуси на вработените, како и врз повисоките трансакциски трошоци.
Акциите на „ЏП Морган“ паднаа за околу 2,8 отсто во средата претпладне во Њујорк, на 298,07 долари, што ја направи банката најслабиот член на банкарскиот индекс KBW тој ден.
Трговците на „ЏП Морган Чејс“, по рекордниот квартал, сега се на пат да го остварат вториот најдобар квартал во историјата. Дајмон изјави дека приходите од тргување во вториот квартал би можеле да пораснат за 11 отсто во однос на минатата година, па дури и повеќе.
Истовремено, се очекува надоместоците од инвестициското банкарство да пораснат за 10 отсто, а можеби и малку повеќе, во зависност од тоа како ќе заврши кварталот, рече тој.
„Пазарот врие од активности, луѓе“, изјави Дајмон. „Инвестициските фондови се исклучително активни, компаниите имаат полни раце работа, а на пазарот се забележува голем оптимизам“.
Bloomberg
Во потрага по нова аквизиција
„ЏП Морган“ исто така ја бара својата следна голема аквизиција. Дајмон изјави дека банката разгледува потенцијални купувања, но дека нема да брза. „Мислам дека во следните неколку години може да се појави можност да вложиме меѓу 10 и 20 милијарди долари во некое преземање“, рече тој.
Дајмон во средата истакна дека гледа можности за органски раст во секој од сегментите на работењето на „ЏП Морган“ и дека не брза со склучување нови договори. Тој додаде дека цените на средствата во моментов се високи, вклучително и акциите на самата банка. „Многу сме трпеливи со капиталот“, рече тој. „Не ни се брза да трошиме пари. Воопшто не е проблем тие да стојат некое време.“
Дајмон, во повеќе од 20 години на чело на „ЏП Морган“, ја изгради банката во најголемата и најпрофитабилна банка во САД. Тоа вклучуваше и преземање на ослабените гиганти „Бер Стернс“ (Bear Stearns) и „Вашингтон мјучуал“ (Washington Mutual) по поволни цени за време на светската финансиска криза, како и аквизицијата на „Фрст рипаблик банк“ (First Republic Bank) во 2023 година.
„ЏП Морган“ и другите големи банки во последните неколку години се соочуваат со растечка конкуренција во директното кредитирање. Дајмон наведе дека банката одобрила околу 20 милијарди долари директни заеми, од кои околу 14 милијарди долари кредити сè уште се отплаќаат. Тој додаде дека тоа е побрз начин на кредитирање, но обично подразбира и повисоки трошоци за задолжување за клиентите.
Доколку дојде до пресврт во кредитниот циклус, тоа би можело да создаде конкурентска предност и за стабилните банки и за фондовите за приватно кредитирање, оцени Дајмон.
„Во периоди на економска криза, здравите компании имаат големи шанси“, истакна тој. „Ако сте наш клиент, сакаме да ви понудиме целосен спектар на производи, а одлуката е ваша.“
.webp){kind=icon}
