Акциите на „Спејс екс“, компанијата за ракети, сателити и вештачка интелигенција предводена од Илон Маск, паднаа на најниско ниво откако компанијата започна со јавно тргување, само еден месец по долгоочекуваното берзанско деби.
Акцијата во средата се намали за 2 отсто, на 133,34 долари, со што падна под нивото од 135 долари по акција по кое беа продадени на инвеститорите минатиот месец, во рамки на рекордната јавна понуда вредна 86 милијарди долари.
Движењето на акциите на „Спејс екс“ ја следи типичната нестабилност што често ги карактеризира новите компании по иницијалната јавна понуда (ИПО). Во првите три дена од тргувањето акциите скокнаа речиси 50 отсто, но потоа во следните три трговски сесии изгубија речиси една четвртина од вредноста.
Прочитај повеќе
„Спејс екс“ влегува во Nasdaq 100, Волстрит препорачува купување на акцијата
Вклучувањето на „Спејс екс“ во Nasdaq 100 и препораките за купување од Волстрит дополнително ги зголемија очекувањата за долгорочен раст.
07.07.2026
„Спејс екс“ по ИПО-то влегува во берзанските индекси: Што значи тоа за акциите?
Во моментот кога „Спејс екс“ ќе стане дел од индекс, ЕТФ-овите и индексните фондови што го следат се обврзани да купуваат акции на компанијата
08.07.2026
„Спејс екс“ во елитата, а приходите не се ни блиску до Величествените седум
По рекордното ИПО, компанијата на Илон Маск достигна пазарна вредност која во еден момент ја надмина онаа на „Амазон“, а накратко се приближи и до „Мајкрософт“.
29.06.2026
Аналитичарите предупредуваат дека притисокот врз акцијата може да продолжи. Во следните недели компанијата треба да ги објави првите квартални финансиски резултати, по што истекуваат првите ограничувања за продажба на акции кои ги спречуваа раните инвеститори да ги продаваат своите удели.
Доколку тие инвеститори решат да продаваат по истекот на ограничувањата, тоа би можело дополнително да ја намали цената на акциите.
Bloomberg
Дел од почетниот раст на акциите можеби бил поттикнат и од задолжителното купување од страна на пасивните инвестициски фондови кои ги следат берзанските индекси. Акциите на компанијата на Маск во јули беа вклучени во индексот Nasdaq 100, откако Nasdaq ги промени правилата и овозможи ново листирани компании со голема пазарна вредност да бидат дел од индексот по само 15 трговски дена, наместо претходниот услов од три месеци.
„Спејс екс“ исто така беше додадена во индексот Russell 1000 кон крајот на јуни, само две недели по берзанската понуда. Аналитичарот на „Блумберг интелиџенс“, Роб Ду Боф, процени дека вклучувањето на компанијата во индексите Nasdaq 100 и FTSE Russell ќе предизвика најмалку 5,4 милијарди долари дополнителни купувања од страна на индексни фондови.
И покрај падот на акциите, расположението на Волстрит останува претежно позитивно. По завршувањето на периодот во кој аналитичарите од банките вклучени во ИПО-понудата не смеат јавно да даваат оценки, следуваа низа оптимистички анализи за идната вредност на компанијата.
Меѓу најоптимистичните е прогнозата на „Рејмонд Џејмс“, која постави целна цена од 800 долари по акција - највисока проценка меѓу аналитичарите на Волстрит.
Повеќе од 80 отсто од аналитичарите што ги следи „Блумберг“ ѝ даваат на „Спејс екс“ препорака еквивалентна на „купи“. Просечната целна цена од околу 238 долари по акција укажува на потенцијален раст од приближно 78 отсто во однос на сегашното ниво на тргување.
Иако првичниот еуфоричен раст по излегувањето на берза се смири, инвеститорите и понатаму гледаат голем потенцијал во „Спејс екс“, особено поради нејзината позиција во секторите на вселенската технологија, сателитските комуникации и вештачката интелигенција.
.webp){kind=icon}
