text size
Хеџ-фондот на „Коуту менаџмент“ (Coatue Management) минатиот месец потона 8,3 отсто, со што стана најновиот технолошки ориентиран менаџер на средства погоден од острата распродажба на акциите поврзани со вештачката интелигенција.
Фондот и натаму бележи раст од 14,3 отсто од почетокот на годинава, според лице запознаено со случајот, кое побара да остане анонимно бидејќи приносите не се јавно објавени.
Загубата претставува најлош месечен резултат за фондот на Филип Лафон во повеќе од една година, откако четирите најголеми долги позиции на компанијата во САД, заклучно со 31 март, во јули забележаа двоцифрен пад. Претставник на компанијата, која управува со околу 90 милијарди долари, не даде веднаш коментар.
Хеџ-фондот на „Коуту“ потона 8,3 отсто во јули поради распродажбата на акциите поврзани со ВИ
Извор: Bloomberg reporting
Акциите на компаниите од секторите на вештачката интелигенција и полупроводниците остро паднаа во јули поради загриженоста за огромните износи што се вложуваат во поврзаната инфраструктура. Падот дополнително беше засилен од хаосот во хеџ-фондот „СА“ (Situational Awareness), кој го продаде најголемиот дел од своето портфолио со јавно тргувани акции на „Ситадел“ (Citadel) на Кен Грифин за да ги исполни барањата за дополнителен колатерал.
Годинава веќе беше исклучително турбулентна за инвеститорите во хеџ-фондот на „Коуту менаџмент“. Фондот се соочи со тешкотии во март, кога загуби речиси пет отсто поради потресите на пазарите предизвикани од војната на Блискиот Исток, но потоа во мај го забележа својот најдобар месечен резултат во последните 25 години.
„Коуту менаџмент“ долго време има оптимистички став кон вештачката интелигенција, а Лафон очекува технологијата да влезе во суперциклус на раст.
Сите четири најголеми долги позиции на компанијата во САД, заклучно со 31 март, беа поврзани со вештачката интелигенција. Акциите на „ТСМЦ“ (Taiwan Semiconductor Manufacturing Co.) и „ГЕ Вернова“ (GE Vernova Inc.) минатиот месец паднаа за повеќе од 15 отсто, додека акциите на „ЛАМ рисрч“ (LAM Research Corp.) и „Аплајд материјалс“ (Applied Materials Inc.) потонаа за повеќе од 29 отсто.
Bloomberg
Прелиминарни проценети приноси на хеџ-фондовите
Bloomberg
.webp){kind=icon}
