text size
„Антропик“ (Anthropic PBC) е на пат да оствари годишен приход од повеќе од 65 милијарди долари врз основа на сегашните резултати, велат ивори запознаени со ова прашање, што е повеќе од седумкратно зголемување во однос на темпото на крајот на минатата година.
Годишната стапка на приходи на компанијата, показател што го проектира приходот за цела година врз основа на пократок период, достигнала 65 милијарди долари до крајот на јули, рекоа изворите, кои побараа да останат анонимни бидејќи разговараат за приватни информации. „Антропик“ ги споделил бројките како дел од редовното известување на инвеститорите, рече едно од лицата.
Драматичното забрзување на приходите ги зајакнува плановите на „Антропик“ за излегување на берза. „Антропик“ и „Опен еј-ај“ (OpenAI) поднесоа доверлива документација за излегување на берза, а се очекува „Антропик“ да дебитира на Волстрит уште оваа есен, пред „Опен еј-ај“.
„Антропик“, развивачот на Клод и Фејбл, беше проценет на 965 милијарди долари по рундата на финансирање во мај, со што стана една од најголемите приватни компании во светот и за првпат ја надмина проценетата вредност на својот најголем ривал „Опен еј-ај“.
„Антропик“ одби да коментира.
Годишната стапка на приходи на „Антропик“
BЗабелешка: Годишната стапка на компанијата е показател што го проектира приходот за цела година врз основа на пократок период/Извор: Bloomberg News reporting, public statements
Некогаш сметан за аутсајдер, „Антропик“ доби на популарност со алатките за ВИ што ги поедноставуваат сложените задачи, вклучително и програмирањето. Годишната стапка на приходи на „Антропик“ надмина девет милијарди долари кон крајот на 2025 година и 47 милијарди долари во мај. Годишната стапка на приходи на „Опен еј-ај“ неодамна надмина 40 милијарди долари, објави „Блумберг њуз“, иако двете компании можеби не ја пресметуваат на ист начин.
„Антропик“ пријави прелиминарен приход од повеќе од 11,5 милијарди долари во последниот завршен квартал, во споредба со 787 милиони долари во истиот период во 2025 година, покажуваат документите во кои „Блумберг њуз“ имаше увид. Компанијата исто така пријави позитивна приспособена оперативна добивка за кварталот, покажуваат документите.
Компанијата одржува средби со инвеститори во пресрет на потенцијалната иницијална јавна понуда, рекоа во јули луѓе запознаени со ова прашање. „Антропик“ доверливо поднесе документација за излегување на берза и соработува со „Морган Стенли“ (Morgan Stanley), „Голдман Сакс груп“ (Goldman Sachs Group Inc.) и „ЏП Морган“ (JPMorgan Chase & Co.) на ИПО-то, објави „Блумберг њуз“.
„Антропик“ настојува да го искористи големиот капацитет за финансирање на јавниот пазар за да ја задржи предноста пред „Опен еј-ај“ и другите, додека компаниите за ВИ трошат стотици милијарди долари за развој на најнапредните модели.
ИПО оваа есен би значело дека „Антропик“ ќе дебитира на берза не само пред „Опен еј-ај“, туку и пред „Дипсик“ (DeepSeek), кинеската компанија за ВИ која освојува сè поголем удел на пазарот за оваа технологија. „Дипсик“ се подготвува за ИПО и би можел да поднесе документација уште оваа година, рекоа луѓе запознаени со ова прашање.
.webp){kind=icon}
