text size
„Антропик“ (Anthropic PBC) ги информира потенцијалните инвеститори дека неговите приходи во вториот квартал скокнале најмалку 14 пати во однос на истиот период минатата година, според документи во кои имал увид „Блумберг њуз“.
Производителот на четботот Клод објавил прелиминарни приходи од повеќе од 11,5 милијарди долари во последниот завршен квартал, во споредба со 787 милиони долари во истиот период во 2025 година и 4,73 милијарди долари во првиот квартал годинава, покажуваат документите. Во вториот квартал од 2026 година „Антропик“ остварил позитивен приспособен оперативен приход, според документите.
Разговорите сè уште траат и бројките би можеле да бидат ревидирани. Претставник на „Антропик“ одби да коментира.
Прочитај повеќе
„Антропик“ преговара за купување на стартапот „Декарт“ за шест милијарди долари
Технологијата на „Декарт“ може да ѝ помогне на инфраструктурата на „Антропик“ да одговори на растечката побарувачка и да ги намали трошоците за тренирање ВИ.
13.08.2026
Биткоин-рударот „Риот“ ќе му обезбедува компјутерска моќ на „Антропик“ за девет милијарди долари
„Антропик“ обезбеди уште еден огромен извор на компјутерска моќ за своите ВИ-модели, со договор од 9,1 милијарда долари.
11.08.2026
Тестирањата на моделите на „Опен еј-ај“ и „Антропик“ открија нови случаи на хакирање
Моделите за вештачка интелигенција развиени од „Опен еј-ај“ и „Антропик“ извршиле „неовластени“ дејствија, вклучително и хакирање веб-страница и обид за вметнување штетен код во софтвер за време на безбедносни тестирања.
05.08.2026
Моделите за ВИ на „Антропик“ хакирале три организации за време на тестирањата
Пропуст во тестирањето им овозможил „бегство“ на моќните модели за ВИ на „Антропик“ надвор од изолираната околина, по што хакирале три организации и останале незабележани.
31.07.2026
Можно е „Мета“ да му изнајмува компјутерска моќ на „Антропик“
Преговорите за можната зделка сѐ во рана фаза
17.07.2026
Брзиот раст доаѓа во време кога компанијата се бори со својот долгогодишен ривал „Опен еј-ај“ (OpenAI) за привлекување корпоративни клиенти. „Антропик“, кој некогаш се сметаше за аутсајдер во трката за вештачка интелигенција, бележи нагло зголемување на бројот на професионалци кои го користат неговиот софтвер за поедноставување на задачите, вклучително и програмирањето.
Годишната стапка на приходи на „Антропик“, односно приходите пресметани на годишно ниво, надмина 47 милијарди долари во мај. „Опен еј-ај“ има годишна стапка на приходи од повеќе од 40 милијарди долари, објави „Блумберг њуз“, иако двете бројки можеби не се пресметани на ист начин.
Компанијата одржува состаноци со инвеститори пред потенцијалното мега-ИПО, изјавија во јули лица запознаени со прашањето. „Антропик“ поднесе доверлива документација за котација и соработува со „Морган Стенли“ (Morgan Stanley), „Голдман Сакс груп“ (Goldman Sachs Group Inc.) и „ЏП Морган“ (JPMorgan Chase & Co.) на ИПО-то, објави „Блумберг њуз“.
„Антропик“ настојува да го искористи големиот капацитет за финансирање на јавниот пазар за да ја задржи предноста пред „Опен еј-ај“ и другите конкуренти, додека компаниите за вештачка интелигенција трошат стотици милијарди долари за развој на најнапредните модели.
ИПО оваа есен би значело дека „Антропик“ ќе дебитира на берзата не само пред „Опен еј-ај“, туку и пред „Дипсик“ (DeepSeek), кинеската компанија за ВИ која освојува сè поголем удел на пазарот за оваа технологија. „Дипсик“ се подготвува за ИПО и би можел да поднесе документација уште оваа година, изјавија лица запознаени со прашањето.
Трката во ВИ го разгоре пазарот на ИПО, при што преку берзанските котации годинава се собрани 256,4 милијарди долари, без компаниите основани за преземања и другите финансиски инструменти, според податоците собрани од „Блумберг“. Тоа е најголемиот износ собран во една година од 2021 година, покажуваат податоците.
.webp){kind=icon}
