text size
Акциите на „АМД“ (Advanced Micro Devices Inc.) пораснаа во понеделникот, со што компанијата е на пат за првпат да достигне пазарна вредност од над еден билион (илјада милијарди, н.з.) долари, поттикната од обновениот оптимизам околу производителите на чипови неопходни за развојот на вештачката интелигенција (ВИ).
Вредноста на акциите се зголеми за дури 10 отсто, достигнувајќи рекордно ниво, и компанијата е на пат да им се придружи на другите производители на чипови, како „Мајкрон“ (Micron Technology Inc.), „Броудком“ (Broadcom Inc.), „ТСМЦ“ (Taiwan Semiconductor Manufacturing Company Ltd.) и „Енвидија“ (Nvidia Corp.), кои имаат пазарна вредност од 1 билион долари или повеќе. Според податоците на „Блумберг“, во светот постојат уште 15 јавно тргувани компании со најмалку толкава вредност.
Прочитај повеќе
Енвидија влегува на пазарот на персонални компјутери како силна конкуренција на Интел и АМД
Енвидија ја проширува битката со Интел и АМД надвор од дата-центрите, претставувајќи нов процесор за персонални компјутери оптимизиран за ерата на вештачката интелигенција.
01.06.2026
„Мета“ ќе потроши милијарди долари за опрема од АМД, ќе купува и акции
„Мета“ склучи еден од најголемите ВИ-договори досега, обезбедувајќи чипови и системи од АМД за поддршка на идниот раст на своите модели.
24.02.2026
Блиску до банкрот, па трка со „Енвидија“: Приказната за големиот пресврт на АМД
Под водство на Лиза Су, АМД премина од период на загуби во централен играч на пазарот на чипови со високи перформанси, и тоа во текот на една деценија реструктурирање.
11.11.2025
„Опен еј-ај“ и АМД потпишаа договор вреден милијарди
Договорот, според процените на производителот на чипови, би можел да генерира десетина милијарди долари нови приходи.
06.10.2025
„Енвидија“ вложува 3,5 милијарди долари во тајвански производител на чипови
„Енвидија“ настојува да убеди што повеќе компании да развиваат чипови што ќе се вклопуваат во нејзиниот доминантен екосистем на центри за податоци.
31.08.2026
Јужнокорејските акции скокнаа 22 отсто за десет дена, микрочиповите повторно лидери
Индексот Kospi е во пораст за повеќе од 60 проценти од почетокот на годината, благодарение на растот предводен претежно од мали инвеститори, но сепак е околу 25 проценти под својот врв на крајот на јуни.
13.08.2026
Bloomberg
Во понеделникот пораснаа и акциите на други компании од секторот за чипови; така, акциите на „Интел“ (Intel Corp.) скокнаа за 12 отсто, а оние на „Арм Холдингс“ (Arm Holdings Plc.) забележаа раст од 14 отсто. Индексот Philadelphia Semiconductor порасна за повеќе од 4 отсто, спремен за својата петта сесија на раст по ред.
Дел од оптимизмот за акциите на производителите на чипови се должи на успехот на ВИ агентот „Мјуз“ (Muse AI Agent) на компанијата „Мета“ (Meta Platforms Inc.), кој по лансирањето претходно овој месец се искачи на првото место меѓу бесплатните апликации во „Еп Стор“ (App Store) на „Епл“ (Apple). Ова поттикна нов бран на интерес за акциите на компаниите што произведуваат централно-процесорски единици (CPU), кои се клучни за функционирањето на автономните системи со вештачка интелигенција (т.н. „agentic AI“). Акциите на „Мета“ пораснаа за повеќе од седум отсто во понеделникот.
Во последните недели, инвеститорите повторно покажаа голем интерес за акциите на „АМД“, по двомесечниот период на пад. Акциите пораснаа за околу 30 отсто во текот на септември, што укажува на најдобар месечен резултат од мај наваму, откако претходно изгубија речиси 26 отсто од вредноста во периодот од јунскиот врв до јулското дно. Според податоците на „Блумберг“, „Мета“ е вториот најголем клиент на „АМД“, учествувајќи со околу 5,5 отсто во вкупните приходи на компанијата.
.webp){kind=icon}
