Првиот човек на Tesla, Илон Маск, пред две недели најави дека сепак ќе ја купи социјалната мрежа Twitter. Маск веќе спомена отпуштања во компанијата пред неколку месеци. „Вашингтон пост“ (Washington post) сега имал увид во документи каде Маск им кажува на потенцијалните инвеститори дека планира да отпушти 75 отсто од своите вработени. Вкупно во компанијата се вработени 7.500 луѓе, што би значело укинување на 5.600 работни места.
Без разлика на продажбата, се очекуваше компанијата да отпушти околу една четвртина од своите вработени, пишува Washington post. Но, плановите на Маск изгледаат многу поекстремни од плановите на Twitter. Експертите и вработените веќе предупредија дека повлекувањето на ресурсите за модерирање на содржината и безбедноста на податоците може да им наштети на платформата и на корисниците. Со такво драстично намалување, какво што се наведува дека планира Маск, мрежата може брзо да биде преплавена со штетна и несакана содржина, со која Маск исто така сакаше да се справи.
Планот на Маск треба да се земе со резерва, пишуваат во TechCrunch. Тој неколку пати во изминатите месеци го опишуваше својот агресивен план за преземање. Но, често постои голема празнина помеѓу неговите зборови и реалноста. Можеби Маск навистина сака да отпушти 75 отсто од работната сила, но сосема е можно Twitter да не може да функционира по таквите намалувања. Маск исто така не ги разбира проблемите со модерирање на содржината со кои се соочува компанијата. Тоа носи поголема корист кога вклучува повеќе луѓе, а не само паметен алгоритам, пишува TechCrunch. Како што се наведува, не може да се исклучи дека бројката од 75 проценти е само уште еден трик што го „извлекол од ракав“ за да импресионира некој со кого разговарал.
Прочитај повеќе
Маск: Очигледно е дека плаќам премногу за 'Твитер'
„Твитер“ има голем потенцијал на долг рок, но неговата вредност сега е многу помала од 44 милијарди долари, смета Илон Маск.
20.10.2022
Маск наводно се обидел да го купи 'Твитер' за 30 отсто поевтино
Во извештај на „Њујорк Тајмс“ се споменува дека Маск се обидел да преговара за 30 отсто пониска цена.
06.10.2022
Договор со Твитер би отворил пат за идејата на Маск 'Х, апликација за сè'
Илон Маск понуди да го купи „Твитер“ по првичната цена од 54,20 долари по акција, што би му помогнало да избегне судска вмешаност.
05.10.2022
Договорот за преземање на Twitter го потпиша во април, а вкупната цена надминува 44 милијарди долари. Во јули тој почна да бара начини да се повлече од договорот, но и покрај помошта од адвокатите, не можеше да го стори тоа. Аналитичарите не предвидуваа големи шанси да успее. Милијардерот сега собира средства за да го заврши преземањето пред крајниот рок, кој истекува на 28 октомври (идниот петок). Според налогот на судот, трансакцијата мора да биде завршена дотогаш.
.webp){kind=icon}
