Продаден блок акции од ‚Гранит‘ за милион евра

Во блок-трансакција вредна 62,6 милиони денари или околу милион евра денеска на Македонската берза беа продадени 43.200 акции од градежната компанија „Гранит“. Акциите се продадоа по цена од 1.450 денари за акција.

Ова е само уште една од низата поголеми трансакции во тргувањето со акциите на „Гранит“ во изминатиов период. Компанијата денеска преку берзата соопшти дека членови на Управниот одбор и Надзорниот одбор на „Гранит“се стекнале со акции од компанијата. 

„Зоран Милковски, член на Управен одбор се стекна со 7.077 обични акции, Катерина Ѓердовска, член на Управен одбор се стекна со 778 обични акции и Виолета Божиновска, член на Надзорен одбор се стекна со 926 обични акции“, информираат од компанијата.

Во моментов нема коментари за веста. Биди прв да коментира...

Остави коментар