.webp){kind=icon}
Ловците на добри зделки што се надеваат дека ќе ја купат Кредит суис (Credit Suisse Group AG) сега, кога обновата на банката повторно ги спушти нејзините акции, може да се разочараат.
„Повторно ќе напредуваме, така што нема никакви дискусии за преземање“, рече претседателот на Кредит суис, Аксел Леман, во интервју за телевизијата Блумберг во Хонгконг, во понеделникот. „Сакаме да останеме независни“, додаде тој.
Со падот на цената на акциите за повеќе од половина во текот на годинава, 166-годишната институција е ранлива на гласините за понуди за преземање и загриженоста за нејзината стабилност. Леман вели дека зголемувањето на капиталот од 4 милијарди швајцарски франци (4 милијарди долари) ќе го направи заемодавецот стабилен, помагајќи му да изврши витално реструктурирање што радикално ќе ги намали загубите на инвестициската банка и ќе ги намали нејзините трговски операции.
Прочитај повеќе
Credit Suisse собира 4 милијарди долари за да го финансира својот ремонт
Извршниот директор Улрих Кернер најавува дека Credit Suisse повторно ќе биде профитабилна од 2024 година.
27.10.2022
Акциите на Credit Suisse достигнаа рекордно ниско ниво
Во швајцарската банка челниците на компанијата и со последното обраќање не успеаја да ги смират акционерите.
03.10.2022
„Во перспектива, Кредит суис е навистина франшиза насочена кон управување со богатството, фокусирана на претприемачи, богати клиенти“, рече Леман, додавајќи дека банката планира да продолжи со напорите за раст на клучните пазари во Латинска Америка, Азија-Тихоокеанија и Блискиот Исток. „Ние сме менаџер на богатство, а со тоа оди и управувањето со имот“.
Извршниот директор вели дека е „многу уверен“ оти Кредит суис може да обезбеди договор во текот на следната недела во врска со продажбата на поголем дел од бизнисот за тргување со хартии од вредност на група предводена од фирмата за приватен капитал „Аполо глобал менаџмент“ (Apollo Global Management Inc.). „Банката планира да задржи прилив од приходи од бизнисот“, рече Леман.
Аксел Леман / Bloomberg
Во понеделникот, банката ги претстави плановите да собере капитал преку издавање права и продажба на акции на инвеститори, вклучувајќи и на Саудиската национална банка, која треба да стане еден од главните акционери на заемодавецот. Компанијата исто така објави дека во процесот ќе помогне проширен синдикат од банки што вклучува имиња од Волстрит, како што е Голдман Сакс (Goldman Sachs Group Inc.), европски кредитори, како БНП Парибас СА (BNP Paribas SA) и Барклис (Barclays Plc), како и фирми од Азија.
„Приближно 1,8 милијарда швајцарски франци се обврзани од неколку инвеститори, додека остатокот од издавањето права е целосно преземен“, рече Леман.
Леман (63) е швајцарски инсајдер, кој помина речиси две децении во Цирих иншуренс (Zurich Insurance) пред трансферот во УБС груп АГ (UBS Group AG). Откако му се приклучи на одборот на директори на Кредит суис, кон крајот на 2021 година, тој донесе поскромен стил во справувањето со тешкотиите на банката. Ја презеде улогата на претседател во јануари, ветувајќи дека ќе се откаже од „грандиозните најави и ветувања“ во корист на „понизноста и доследното извршување“.
