Трите најголеми банки во Северна Македонија („Стопанска банка Скопје“, „НЛБ Банка“ и „Комерцијална банка“) се најдоа на врвот на листата компании од Македонската берза по остварената нето добивка во првите три месеци од годинава.
Првото место на листата од 94 рангирани компании го зазеде „Стопанска банка Скопје“ со остварена нето добивка од 10,7 милиони евра во првиот квартал од годинава, што е зголемување за 30,04 отсто во однос на истиот период минатата година.
На второто место е „НЛБ Банка“ со реализирана нето добивка од 10,6 милиони евра, која што е поголема за 30,91 отсто во однос на првото тримесечје од минатата година. На третото место е „Комерцијална банка“ со добивка од 8,4 милиони евра, што е големување за 45,10 отсто во однос на истиот период минатата година. На четвртото место е рафинеријата „ОКТА“, а веднаш зад неа е фармацевтската компанија „Алкалоид“.
Податоците на Македонската берза покажуваат дека во првиот квартал од годинава добивка оствариле 62 компании, а со загуба работеле 28. Од вкупниот број од 94 компании, три биле долгорочно суспендирани, а едно друштво не ги објавило финансиските извештаи.
Вкупната остварена добивка на котираните компании во овој период изнесува 66,1 милиони евра, што е зголемување за 13,22 отсто во однос на првото тримесечје од минатата година.
.webp){kind=icon}
Во моментов нема коментари за веста. Биди прв да коментира...