.webp){kind=icon}
Нов мобилен телефон или спа-третман како празничен подарок за вашите вработени? Што велите за дополнително платено отсуство? Една филипинска козметичка компанија дојде до оваа идеја.
„’Колорет козметикс’ (Colourette Cosmetics) извлече пет дена дополнително платено отсуство како награда на божиќната забава“, објави Нина Кабрера, основачка и главна извршна директорка за овој бренд шминки.
Кабрера вчера на Твитер рече дека е инспирирана од вирална објава на филипински адвокат што се жали дека голем телевизор нема воопшто да биде важен ако вработените цело време се заглавени во канцеларија.
Наградата е добредојден потег на Филипините, кои заостануваат во споредба со своите соседи, како Сингапур и Индонезија, во поглед на правата на отсуство. Според филипинскиот закон за работни односи, вработен што работи помалку од една година има право на пет дена платено отсуство, иако локалните компании обично нудат повеќе слободно време од законскиот минимум.
Недостигот од одмор од работа може да придонесе вработените да бидат напнати и нервозни. Истражувањето на „Галуп“ (Gallup) покажа дека филипинските работници се меѓу најексплоатираните во Југоисточна Азија.
