.webp){kind=icon}
Корисниците на Твитер (Twitter) гласаа Илон Маск да се повлече од функцијата извршен директор на социјалната мрежа во анкетата што милијардерот сам ја објави на својот налог и рече дека ќе ја почитува. Ова е остра опомена за неговиот хаотичен мандат во последните два месеца откако ја презеде функцијата.
Околу 58 отсто од дадените 17,5 милиони гласа беа за Маск да се повлече од лидерската позиција.
Ако навистина ги послуша резултатите, тоа ќе го означи крајот на 53-те хаотични дена на негово шефување во компанијата, што опфати отпуштање врвни директори и елиминирање приближно половина од работната сила и придонесе за страв кај огласувачите.
Прочитај повеќе
Анкетата на Маск дали да отстапи од Твитер натежнува кон „да“
Маск, како што вети во твит, ќе постапи онака како што ќе наложат резултатите од анкетата.
19.12.2022
Маск го навлече гневот на Европа откако од Твитер отстрани новинари
Реакциите против Илон Маск, кој од Твитер суспендира профили на истакнати новинари, се проширија и кај високи европски политичари.
16.12.2022
Маск: Работам седум дена неделно, од утро до мрак
„Работам апсолутно најмногу што можам - од утро до вечер, седум дена во неделата“, кажа Маск.
14.11.2022
Маск: Постои можност „Твитер“ да банкротира
Банкротот е можност доколку компанијата не почне да генерира повеќе пари, велат упатени извори, пренесувајќи ги зборовите на Маск.
11.11.2022
Големите отпуштања ги „издишаа“ Маск и Закерберг
Реструктурирањето е ужасно време за вработените во која било компанија, но исто така е можност да се концентрираат на она што сигурно носи пари.
10.11.2022
Маск, кој исто така е главен извршен директор на „Тесла“ (Tesla Inc.) и на „Спејс експлорејшн технолоџис“ (Space Exploration Technologies Corp.), откако го купи „Твитер“, на 27 октомври, голем дел од времето и вниманието насочи кон компанијата, привлекувајќи критики за неговите нагли промени во политиката и занемарување на другите негови бизниси. Акциите на „Тесла“, неговиот највреден бизнис, потонаа за околу една третина.
Ова не е првпат Маск да остава големи корпоративни одлуки во рацете на корисниците на Твитер. Тој претходно спроведе анкета меѓу своите следбеници за тоа дали да го врати твитер-налогот на Доналд Трамп, по што дозволи поранешниот претседател да се врати веќе следниот ден.
Засега не е јасно кој би ја пополнил раководната позиција во „Твитер“, бидејќи речиси сите од највисоките раководители беа отпуштени или дадоа оставки во последните неколку месеци. Маск во своите твитови откри дека „никој не ја сака работата што всушност може да го одржи Твитер во живот, нема наследник“ и дека мрежата „од мај е на брза лента кон банкрот“.
Заканата дека Твитер би можел да се западне во финансиски тешкотии беше постојана за време на мандатот на Маск, кој во своето прво обраќање до вработените во компанијата во ноември рече дека банкротот е можност доколку платформата не почне да генерира повеќе пари. Компанијата има долг од речиси 13 милијарди долари, што сега е во рацете на седум банки на Волстрит, кои не можеа да го насочат кон инвеститорите.
Маск претходно посочи дека ќе биде шеф во „Твитер“ само ограничено време, за да го заврши организацискиот ремонт за кој сметаше дека е неопходен за напредок и се пожали дека има премногу работа, односно дека спие во канцеларијата на „Твитер“ во Сан Франциско додека спроведува радикални промени.
Акциите на „Тесла“ во понеделникот пораснаа за 4,8 отсто на претпазарното тргување во САД. Акциите на производителот на автомобили годинава паднаа за 57 отсто поради загриженоста дека хаотичното преземање на „Твитер“ го оддалечува Маск од фирмата што му ја обезбеди титулата најбогат човек во светот - која тој ја загуби минатата недела од Французинот Бернард Арно, коосновач и извршен директор на LVMH (Moët Hennessy – Louis Vuitton).
