.webp){kind=icon}
Илон Маск во своето прво обраќање до вработените во „Твитер“ (Twitter Inc.), откако ја купи компанијата за 44 милијарди долари, посочил дека банкротот е можност доколку компанијата не почне да генерира повеќе пари, велат извори запознаени со ова прашање.
Предупредувањето доаѓа во време на бурниот почеток на шефувањето на Маск - период од две недели во кој тој отпушти половина од персоналот на компанијата, го отстрани раководството и им нареди на преостанатите вработени да престанат да работат од дома. Еден извршен директор што до четвртокот фигурираше како дел од новиот лидерски тим на Маск, Јоел Рот, си заминал, посочуваат упатени извори. Друга, Робин Вилер, исто така поднела оставка - но Маск ја убедил да остане, велат некои лица, кои побарале анонимност за да ги заштитат личните и професионалните односи.
Откупот го отстрани „Твитер“ од контролата на јавните пазари, но Маск ја оптоварува компанијата со долг од речиси 13 милијарди долари, кој сега е во рацете на седум банки од Волстрит, кои не можеа да им го префрлат на инвеститорите.
Прочитај повеќе
Во првиот мејл до вработените, Маск ја забрани работата од далечина
Маск во електронска порака им најавил на вработените дека ги подготвува за тешките времиња кои претстојат.
10.11.2022
Големите отпуштања ги „издишаа“ Маск и Закерберг
Реструктурирањето е ужасно време за вработените во која било компанија, но исто така е можност да се концентрираат на она што сигурно носи пари.
10.11.2022
Претплата од осум долари за верификација на профилите на Твитер
Понудата доаѓа само неколку дена откако сопственикот Илон Маск ја објави идејата за нов систем за верификација.
06.11.2022
Пет работи што Маск ги мрази кај Твитер и сака да ги промени
Илон Маск работи на тоа да остави свој белег на „Твитер“, неколку дена откако ја презеде сопственоста врз платформата.
01.11.2022
Довербата во компанијата еродира толку брзо што, дури и пред коментарите за банкрот на Маск, некои фондови се нудеа да ги купат заемите за само 60 центи за долар - цена вообичаено резервирана за компании што се смета дека се во финансиска неволја, објави „Блумберг“ во четвртокот.
Во своето обраќање до персоналот, Маск издаде повеќекратни предупредувања. Вработените треба да се подготват за 80-часовни работни недели. Ќе има помалку канцелариски поволности, како на пример бесплатна храна. Исто така, тој ѝ стави крај на флексибилноста од ерата на пандемијата што им овозможи на вработените да работат од дома.
„Ако не сакате да доаѓате, оставката е прифатена“, рекол тој, според лице запознаено со ситуацијата.
Разговарајќи за финансиите и за иднината на „Твитер“, Маск посочил дека компанијата треба итно да дејствува за да го направи својот производ за претплата од 8 долари, „Твитер блу“ (Twitter Blue), нешто за што корисниците ќе сакаат да платат, со оглед на повлекувањето на некои од огласувачите од платформата, бидејќи се загрижени за штетната содржина.
