Италијанската влада планира да инвестира околу 10 милијарди евра во индустријата за полупроводници во текот на годината, објави новинската агенција „Анса“, цитирајќи го министерот за индустрија Адолфо Урсо.
„Италија се подготвува да стане еден од најголемите производители на микроелектроника во Европа“, им рече Урсо на новинарите во Пескара, каде владејачката партија Фратели д’Италија се состанува овој викенд.
Во март, Урсо најави инвестиција од 3,2 милијарди евра (3,4 милијарди долари) од сингапурскиот стартап „Силикон Бокс“ (Silicon Box), за изградба на фабрика за чипови на северот на земјата. Најавата дојде откако владата не успеа да го убеди американскиот гигант за производство на чипови „Интел“.
Depositphotos
„Верувам дека во наредните недели ќе бидеме во позиција да направиме други подеднакво значајни најави“, рече тој, според локалните медиуми.
И јапонското министерство за економија подготвува субвенции од вкупно 13 милијарди долари за да ги зголеми инвестициите во индустријата за чипови во обид да го врати статусот на голема полупроводничка сила.
Министерството за економија, трговија и индустрија бара над 12 милијарди долари во буџетот, покрај неискористените пари за субвенција за чипови. „Блумберг“ претходно објави дека Јапонија планира да одвои пари за зголемување на капацитетот за производство и складирање чипови во земјата.
Како дел од поширокиот план за заживување на економијата, Токио се обидува да привлече инвестиции во производството на најсовремени полупроводници, кои се клучни за идните технологии, од вештачка интелигенција до самоуправувачки автомобили. Тоа вклучува милијарди долари за поддршка за „Тајван семикондуктор“ (Taiwan Semiconductor Manufacturing Co), лидер во напредното производство на чипови, и за „Рапидус“ (Rapidus Corp.), локален стартап чија цел е да се натпреварува во производство на чипови од висока класа.
.webp){kind=icon}
Во моментов нема коментари за веста. Биди прв да коментира...