Банкмен-Фрид ослободен со кауција од 250 милиони долари

Сем Бенкмен-Фрид беше ослободен со кауција од 250 милиони долари откако го имаше своето прво појавување на суд во САД за да се соочи со обвиненијата за измама поради колапсот на FTX, берзата за криптовалути што тој ја основаше.

Во кауцијата е вклучена и гаранција со имот - куќата на неговите родители во Калифорнија. Според условите од кауцијата, тој мора да остане со родителите и ќе подлежи на електронски мониторинг.

Американскиот судија Габриел Горенштајн рече дека ризикот Банкмен-Фрид да побегне е мал и додаде дека не претставува никаква опасност за јавноста во однос на идните финансиски криминали.

Банкмен-Фрид (30) е обвинет од страна на федералните обвинители на Менхетен за организирање на долгогодишна измама во која користел милијарди долари од средствата на клиентите на FTX за лични трошоци и облози со висок ризик преку сестринската фирма за истражување Аламеда.