Дефект во клучната единица на една од најголемите германски рафинерии

Германската рафинерија „Миро“, втората по големина постројка за преработка на нафта во земјата, најави дека непланираното одржување на една од трите нејзини единици за сурова нафта ќе трае околу четири недели.

Рафинеријата ја зголеми пропусната моќ на двете други единици за преработка на сурова нафта, се вели во одговорот. Но, во него нема коментар за тоа дали ќе има прекини во  снабдувањето на клиентите.

Споменатата единица за сурова нафта беше исклучена на 25 декември по технички дефект во печката, соопшти прес-службата на рафинеријата.

„Како рафинерија која има договори за преработка со четири акционерски компании, не објавуваме никакви детали за капацитетите, количините на производите или други детали од антимонополски причини“, велат од „Миро“. „Продажбата на производите направени од „Миро“ е исклучива одговорност на нашите акционери“.

Според веб страницата на рафинеријата, акционери на компанијата се „Шел“ (Shell Plc), „Ексон Мобил“ (Exxon Mobil Corp.) и „Филипс“ (Phillips 66). Уделот на „Роснефт“ (Rosneft PJSC) е под контрола на германската влада.

Во моментов нема коментари за веста. Биди прв да коментира...

Остави коментар