.webp){kind=icon}
Зголемување на бројот на субјекти во трговскиот регистар и регистарот на други правни лица во Македонија имало во 2022 година во однос на претходната година, а најизразен пораст имало кај трговските друштва, чиј број за една година пораснал од 78.944 на 80.346.
Минатата година биле основани 8.670 субјекти, а избришани биле 6.862 субјекти.
Кога станува збор за организацискиот облик на субјектите, во регистарот минатата година доминираат трговските друштва, потоа следуваат општествените организации, фондациите и здруженијата на граѓани, а на третото место се самостојните вршители на дејност.
По сектори, најголем број активни субјекти лани имало во трговијата на големо и мало, потоа следува секторот други услужни дејности, а на третото место е преработувачката индустрија.
Забележливо е дека во 2022 година бројот на активни градежни фирми во Македонија изнесувал 7.863, што е зголемување за 354 во однос на 2021 година, кога во градежниот сектор биле регистрирани 7.509 субјекти. Во истиот период има мало намалување на бројот на субјекти во трговијата и во преработувачката индустрија.
