Работа на менаџерите и деловните лидери е да ги спречат „тивките откази“ откако пандемијата фундаментално ги промени работните услови, рекоа на панелот менаџерите и професионалците за човечки ресурси на Светскиот економски форум.
„Работа на лидерот е да го реши овој проблем“, рече во вторникот во Давос главниот извршен директор на „Вимео“ (Vimeo), Ањали Суд. „Треба да комуницираме многу поинаку“, забележа таа, додавајќи дека не верува дека повеќето лидери се чувствуваат подготвени да го сторат тоа.
Терминот „тивок отказ“ почна да се применува за време на пандемијата за да ги опише оние кои, работејќи од дома и чувствувајќи се исклучени од работодавците, тивко се префрлија на давање придонес само на минимум, давајќи му на својот приватен живот поголем приоритет. Според анкетата на Галуп објавена во септември, околу половина од американските работници ги исполнуваат овие услови.
Феноменот е продолжување на таканаречените „голема откази“, термин за опишување на бранот напуштања на работните места особено на младиот кадар како последица на пандемијата, смета организацискиот психолог Адам Грант од Универзитетот во Пенсилванија.
Многу работници мислеа „со оглед на тоа што го добивам од мојот работодавец, кој е фер начин да возвратам?“, рече Грант.
Прашање за дискусија е дали феноменот е опуштање или само чин на самоодбрана. Додека работодавците и работниците природно имаат тенденција да бидат на различни страни по ова прашање, постои растечка поддршка за ставот дека шефовите се тие кои треба да спречат тивки откази, при што лошите менаџери го загрозуваат моралот, ангажманот и перформансите на работниците.
Многу компании спроведоа излезни интервјуа со вработените кои си заминуваа во тоа време и беше добра идеја, рече Грант, но „попрво би сакал работодавците да спроведуваат интервјуа за влез или да продолжат со интервјуата “.
Давањето на работниците мобилност и видливост за тоа како нивната кариера може да напредува е исто така клучно за избегнување на тивките откази, смета Тиери Делапорте, извршен директор на индиската мултинационална ИТ компанија „Випро“ (Wipro Ltd).
„Тоа е неверојатно важен аспект не само за задржување на телото, туку и на срцето, и ние ги сакаме и двете“, рече Делапорте.
.webp){kind=icon}
