„Спотифај“ (Spotify Technology SA) планира отпуштања веднаш, уште оваа недела, информираат луѓе запознаени со плановите на компанијата, придружувајќи им се со тоа на мноштвото технолошки компании, почнувајќи од „Амазон“ (Amazon.com Inc.), па до „Мета“ (Meta Platforms Inc) во најавите за намалување на работните места, со цел да ги намалат трошоците.
Бројот на позиции што треба да се елиминираат не беше наведен од луѓето. „Спотифај“ отпушти 38 вработени од своите студија за поткаст во октомври. Според финансискиот извештај, гигантот за стриминг-музика во третиот квартал лани имал околу 9.800 вработени.
Технолошките компании го зголемија бројот на вработени за време на пандемијата, но сега се принудени да направат намалувања како одговор на намалените приходи од рекламирање и несигурната економска перспектива. „Амазон“, „Мета“ и „Мајкрософт“ (Microsoft Corp) беа меѓу најголемите компании што неодамна го намалија персоналот, додека фирмата-мајка на „Гугл“ (Google), „Алфабет“ (Alphabet Inc) во петокот рече дека ќе укине околу 12.000 работни места, што претставува повеќе од шест проценти од нејзината вкупна работна сила во светот.
Портпаролот на „Спотифај“ одби да коментира за претстојните откази.
Компанијата, почнувајќи од 2019 година, презеде огромна посветеност на поткастирањето и потроши над милијарда долари за стекнување мрежи за поткаст, софтвер за креирање, хостинг-сервис, како и за правата на популарните емисии како „The Joe Rogan Experience“ и „Armchair Expert“.
Сепак, инвестициите го тестираа трпението на инвеститорите. Акциите паднаа за 66 проценти минатата година, бидејќи инвеститорите се сомневаа во тоа кога ќе почнат да гледаат приноси од „Спотифај“.
.webp){kind=icon}
Во моментов нема коментари за веста. Биди прв да коментира...