„Тотал енерџис“ (TotalEnergies SE) ја зголеми својата дивиденда и ќе откупи дополнителни акции од две милијарди долари, откако зголемените цени на нафтата и гасот го зголемија профитот на компанијата во 2022 година на рекордни 36,2 милијарди долари.
Францускиот енергетски гигант забележа уште едно неверојатно тримесечје, при што вети повеќе дарежливи поврати на инвеститорите, а истовремено го отплаќа долгот и во некои случаи ги зголемува инвестициите.
Дивидендата на „Тотал енерџис“ за четвртиот квартал од 2022 година ќе изнесува 74 евроценти по акција и ќе се зголеми за 7,3 отсто во однос на претходниот период. Откупот на акциите ќе биде завршен овој квартал.
„Цените на нафтата и гасот, како и маржите за рафинирање останаа силни на пазарите со ограничена понуда“, рече главниот извршен директор Патрик Пујан во својата изјава денеска, додавајќи дека „Тотал енерџис“ можеше да има корист од ова поволно опкружување, делумно со зголемување на продажбата на течен природен гас за 22 процента.
Приспособениот нето-приход изнесува 7,56 милијарди долари во четвртиот квартал, што е за 11 отсто повеќе од претходната година и во согласност со очекувањата на аналитичарите. За 2022 година како целина, добивката се удвои во однос на претходната година.
.webp){kind=icon}
