Под раководство на Илон Маск, Твитер стана првата социјална мрежа во САД што дозволи рекламирање канабис на својата платформа.
Рекреативната употреба на канабис веќе е легална во 21 сојузна држава. Доставувачите на оваа опојна супстанција во САД сега ќе можат да се рекламираат и на Твитер, пренесува „Ројтерс“. Досега Твитер дозволуваше рекламирање само за производи од индустриски коноп, додека рекламирањето на производите што ја содржат психоактивната состојка ТХЦ (THC) беше забрането. Ова се менува, но под строги услови.
Твитер соопшти дека ќе им овозможи на бизнисите од индустријата да се рекламираат за одгледување и продажба на канабис доколку имаат соодветна лиценца, доколку поминат низ процес на одобрување, доколку целат само на области каде што имаат лиценца за работа и само на луѓе постари од 21 година.
Одлуката доаѓа во време кога компанијата очекува огласувачите да ги намалат своите буџети. Рекламирањето на производи од канабис и негови деривати останува забрането на платформите на Тикток (TikTok) и Мета (Meta).
Во меѓувреме, Илон Маск повторно е на врвот на најбогатите луѓе, откако вредноста на акциите на „Тесла“ (Tesla) порасна речиси за сто проценти оваа година. Со имот од 193 милијарди долари, Бернард Арно е за само 700 милиони долари пред Маск.
.webp){kind=icon}
