text size
Главниот извршен директор на „Блекстоун“ (Blackstone Inc.), Стив Шварцман заработи рекордни 1,27 милијарди долари за 2022 година, додека инвестицискиот титан продолжи да го зголемува своето богатство во едно од најголемите во светот.
Шварцман, кој поседува околу 20 проценти од акциите на „Блекстоун“, заработи околу една милијарда долари само од дивиденди. Тој, исто така, заработил 253,1 милиони долари како компензација.
Растот на неговата заработка, која се зголеми од околу 1,1 милијарда долари колку што изнесуваше претходната година го нагласува статусот на Шварцман како еден од најплатените играчи на Вол Стрит - со нето богатство од 30,6 милијарди долари, според индексот на милијардери на „Блумберг“. Тоа, исто така, покажува колку е цврсто врзано неговото богатство со фирмата што ја коосноваше пред повеќе од три децении.
„Имам многу акции и инвестирам во сите наши фондови, така што фирмата е мојата семејна канцеларија“, рече Шварцман (76) на конференцијата во индустријата оваа година.
Неговиот наследник како извршен директор, претседателот на „Блекстон“, Џон Греј, заработи 479,2 милиони долари во 2022 година. Тоа вклучуваше 182,7 милиони долари од дивиденди врзани за приближно 3 проценти од акциите во фирмата. Тоа е зголемување во однос на претходната година.
Иако на ниту еден од нив не им се исплаќа годишен готовински бонус, тие сепак собираат повеќе од извршните директори на најголемите инвестициски банки на Волстрит, каде што пакетите за компензација за највисоките луѓе обично изнесуваат десетици милиони. Многу извршни директори на банки ги намалија платите во тешката година за финансиските пазари.
„Блекстоун“ го намали последниот бонус за акции на Греј, велејќи дека ќе му плати 30 милиони долари за 2022 година, што е намалување од 38 милиони долари во претходната година.
Машината за собирање средства на „Блекстоун“ забави минатата година, а пазарните услови ги попречија новите договори. Blackstone Real Estate Income Trust, се соочи со низа инвеститори кои сакаа да излезат, што го натера да го ограничи откупот.
Сепак, креаторите на договори во „Блекстоун“ можеа да генерираат повеќе од распродажбата во 2022 година отколку претходната година. Продажбата на „Космополитен од Лас Вегас“, го зголеми профитот достапен на акционерите. Фирмата оствари повеќе приходи поврзани со надоместоците бидејќи средствата под управување достигнаа илјада милијарди долари.
„Блекстоун има модел на компензација управуван од перформансите, кој е изграден на долгорочно усогласување со нашите инвеститори“, рече портпаролот во изјавата. Фирмата испорача рекордна заработка што може да се распредели и реализираше некои од своите најпрофитабилни инвестиции во фондови минатата година, рече тој.
Дивидендата за 2022 година се искачи на 4,40 долари, од 4,09 долари една година порано.
.webp){kind=icon}
