Цементарница „УСЈЕ“ лани оствари добивка од милијарда денари или околу 16,7 милиони евра, што е намалување за 13 проценти во однос на претходната година кога добивката на компанијата изнесувала 1,17 милијарда денари (19,1 милиони евра), покажува билансот на успех на компанијата.
„УСЈЕ“ реализира оперативни приходи во текот на минатата година во износ од 6,7 милијарди денари (108 милиони евра) кои се зголемени за 25 проценти во однос на 2021 година.
„Деловниот план од 2022 година беше остварен приближно 76 проценти , и покрај солидната продажба на цемент остварена во годината, енергетската криза имаше големо негативно влијание“, велат од компанијата.
Според деловниот план за 2023 година, Цементарница „УСЈЕ“ АД Скопје очекува умерено зголемување на продажбата на цемент и во комбинација со подобрувањето на производните трошоци да се постигне зголемување на оперативниот профит.
.webp){kind=icon}
