.webp){kind=icon}
„Реплек“ во текот на минатата година оствари консолидирана добивка по оданочување од 81,9 милиони денари (1,3 милиони евра), што е намалување за 39 проценти во однос на претходната година кога добивката на компанијата изнесувала 134,7 милиони денари (2,1 милиони евра), покажува билансот на успех на компанијата објавен преку Македонската берза.
Од компанијата информираат дека добивката бележи намалување поради зголемени трошоци за електрична енергија, амортизација, трошок за вработени и отпис на основни средства.
Компанијата лани имала оперативни приходи од 1,3 милијарди денари(22,2 милиони евра), што е зголемување за 9 проценти во однос на претходната година кога оперативните приходи изнесувале 1,2 милијарди денари(20,4 милиони евра).
„Приходите на продажба на сегмент фармација бележат зголемување за 7 проценти во однос на претходната година при што приходите од продажба на странски пазар се зголемени за 9 проценти, а приходите од продажба на домашен пазар се зголемени за 3 проценти. Приходите од продажба кај трговија на разни стоки и угостителски услуги се намалени за 21 проценти во однос на претходната година“, информираат од компанијата.
Оттаму додаваат дека приходите од продажба на странски пазар учествуваат во вкупните приходи од продажба со 68 проценти (2021: 64 проценти) и се зголемени за 9 проценти, а приходите од продажба на домашен пазар се намалени за 8 проценти во однос на претходната година.
Од компанијата информирааат и дека друштвото „Реплек Маркет“ ДООЕЛ Скопје, коешто е во целосна сопственост на „Реплек АД“, извршило продажба на земјиште од 3.558 квадрати на „Кара“ ДООЕЛ Скопје со договорена продажна вредност во износ од 88,5 милиони денари( 1,4 милиони евра.
