„Нисан“ (Nissan Motor Co.) развива нови модуларни погонски единици што ќе помогнат да се рационализира производството и да се намалат трошоците за производство на хибридни автомобили дури за 30 отсто.
„Со подобрувањето на заедничките делови што ја формираат основата на возилата, производителот на автомобили со седиште во Јокохама очекува можност да ја доведе цената на своите хибридни автомобили на исто ниво како и бензинските автомобили до 2026 година“, рече потпретседателот Тошихиро Хираи на брифинг во вторникот.
„Нисан“ ги претстави плановите за два нови погонски агрегати - едниот за своите таканаречени хибриди „E-пауер“ , а другиот за возила со нулта емисија на штетни гасови. И двата користат слична технологија, што ќе помогне да се консолидира и локализира производството, точките на кои „Нисан“ се осврна кон крајот на минатиот месец, кога ја претстави својата забрзана стратегија за електрификација.
Додека производителите на автомобили на глобално ниво брзаат кон електрична транзиција, јапонските производители на автомобили, особено „Тојота“ (Toyota Motor Corp.), велат дека преземаат поумерен пристап, продолжувајќи многу да инвестираат во хибриди.
Тие веруваат дека потрошувачите нема да сакаат да се префрлат на електрични автомобили прекуноќ, туку ќе почекаат да се унапреди технологијата и да паднат цените на електричните возила. Исто така, постои загриженост за тоа дали ќе има доволно инфраструктура за полнење на електричните модели.
Bloomberg
Чисто електричните и хибридните автомобили учествуваа со околу 52 отсто од вкупната продажба на „Нисан“ во Јапонија во текот на вториот квартал од фискалната 2022 година. Иако најголемиот дел од тоа доаѓа од хибридите, тоа е подобрување од само 12 проценти во 2016 година.
„Производството на новите погонски единици на ’Нисан’ ќе започне веќе во 2024 година“, изјави Хираи во вторникот.
Тој исто така рече дека функционалните батерии, кои не чинат цело богатство за конструкција или бараат постојано зголемување на ретките метали во производството, сè уште се оската што недостига за електричните возила. Хираи додаде дека „Нисан“ е посветен на развој на батерии ССД (SSD) од следната генерација.
Bloomberg
„Воведувањето батерии 'солид стејт' е од клучно значење“, подвлече тој.
Акциите на „Нисан“ пораснаа за 1 отсто во четвртокот, со што оваа година пораснаа за речиси 32 отсто.
.webp){kind=icon}
