„Фолксваген“ (Volkswagen AG) претстави електрично возило со поволна цена, кое е само неколку години оддалечено од производство, со што како најголем европски производител на автомобили му се спротивставува на „Тесла“ (Tesla Inc).
Автомобилот што го подготвува „Фолксваген“ за европскиот пазар во 2025 година ќе чини помалку од 25.000 евра (26.400 долари). Производителот рече дека возилото ќе биде пространо, а евтино како „поло“.
„Трансформацијата ја спроведуваме со брзо темпо за да ја донесеме електричната мобилност на маса“, рече раководителот на брендот „Фолксваген“, Томас Шефер.
На „Фолксваген“ итно му треба „народен“ автомобил од електричната доба. Компанијата се бори да го задржи чекорот со електричните возила на „Тесла“ и да го запре падот на продажбата во Кина, каде што домашните производители, предводени од БИД (BYD Co), ја засилија својата игра.
Електричен модел, кој дури и оддалеку е блиску до успехот на „голф“ на „Фолксваген“, кој произведе повеќе од 35 милиони единици, би направил чуда за брендот.
Дебито на моделот „ИД 2 ол“ (ID2all) во Хамбург ја зголемува напорната недела за „Фолксваген“. Во понеделникот германската компанија ги објави плановите за изградба на фабрика за батерии во Канада, нејзина прва надвор од Европа и најголема во автомобилската инвестиција во таа земја досега. Вчера производителот го зголеми својот петгодишен план за трошење за околу 13 проценти, на 180 милијарди евра, од кои повеќе од две третини одат на софтвер и електрични возила.
„Тесла“ доминираше во првата фаза од преминот кон електрични возила, но сега остави простор за другите компании. Последен пат „Тесла“ лансира ново патничко возило во 2020 година („модел ипсилон“ - Model Y) и направи само мали козметички промени на „модел 3“ (Model 3), откако седанот влезе во производство пред речиси шест години. Не е јасно кога ќе биде готов моделот од 25.000 долари што Маск првпат го најави во 2020 година.
„ИД 2 ол“ може да се пофали со дострел од 450 километри (280 милји), функции за помош на возачот и ремонтиран инфо-забавен систем во автомобилот. Од „Фолксваген“ велат дека возилото со погон на предните тркала ги зема дизајнерските знаци од „поло“, „голф“ и „буба“.
Изработката на електрично возило,доволно пристапно за масовниот пазар е вистинска опсесија во автомобилската индустрија. Со оглед на тоа што батериите остануваат скапи и производството на електрични возила сè уште се зголемува, евтините електрични автомобили главно се ограничени на мини-модели со краток дострел во Кина, кои веројатно нема да заживеат во поголемиот дел од светот.
Постојната линија на електрични возила на „Фолксваген“ ги вклучува седанот „ИД.3“ (ID.3), спортските возила „ИД.4“ (ID.4) и „ИД.5“ (ID.5) и минибусот „ИД баз“ (ID. buzz). Компанијата оваа година ќе претстави ажурирана верзија на „ИД.3“ (ID.3) и лимузина „ИД.7“ (ID.7), а исто така работи и на електричен модел, чија цена ќе биде под 20.000 евра.
.webp){kind=icon}
