Чадор-компанијата на банката „Силикон валеј“ (СВБ) прогласи банкрот, откако се прошири загриженоста меѓу нејзините клиенти (главно технолошки стартапи), што ги поттикна регулаторите да преземат акција и да ја затворат истоимената банка од оваа групација.
„СВБ фајненшл груп“ (SVB Financial Group) поднесе барање за заштита од доверителите по поглавјето 11 во американскиот стечаен суд во Њујорк, со долгови и средства што надминуваат 10 милијарди долари.
Бидејќи СВБ е комерцијална банка основана во Калифорнија и е дел од системот на федерални резерви, таа не може да прогласи таков банкрот и е под јурисдикција на Федералната агенција за осигурување депозити (FDIC). Од друга страна, чадор-компанијата може да прогласи банкрот за да го заштити остатокот од својот имот и да почне да работи на враќање на средствата на доверителите.
Прочитај повеќе
Неделен преглед: СВБ предизвика земјотрес, афтершок во Швајцарија
Компанија што произведувала долна облека ќе врши надзор на најскапите автопатишта во земјава.
17.03.2023
Ликвидноста на пазарот на обврзници се топи поради СВБ
Ликвидноста на најголемиот пазар на обврзници во светот падна.
15.03.2023
Колапсот на СВБ изнесе на виделина многу проблеми
Штедачите во СВБ треба во целост да ги добијат депозитите, дури и ако нивните средства се над ограничувањето од 250.000 долари.
14.03.2023
Народна банка: Европските банки ќе останат недопрени од кризата со СВБ
Нема потврда за каква било поврзаност на некои странски компании-мајки на фирми што егзистираат овде.
14.03.2023
Директорот на СВБ продал акции за 3,6 милиони долари пред банкротот
Главниот извршен директор на банката „Силикон валеј“ (СВБ), Грег Бекер, продал акции на компанијата во вредност од 3,6 милиони долари.
13.03.2023
Што ќе значи за пазарите спасувањето на американската СВБ
Неуспешната приказна на СВБ и владината помош за нејзините штедачи ги собори пазарните прогнози.
13.03.2023
Сите детали за колапсот на СВБ и како се справува ФЕД со кризата
Колапсот на банката предизвика превирања и во технолошката и во финансиската индустрија.
13.03.2023
Судејќи според изјавите во соопштението, во барањето не се опфатени брокерско-дилерското друштво „СВБ секјуритис“ (SVB Securities) и подружницата што се занимава со ризичен капитал „СВБ капитал“ (SVB Capital).
Банката со седиште во Санта Клара, Калифорнија, е најголемата банка што пропаднала во последните 10 години, а нејзината вкупна актива е околу 209 милијарди долари, соопштија од FDIC. Исто така, таа е втората по големина банка под јурисдикција на FDIC што пропаѓа. Најголема беше „Вашингтон мјучуал“ (Washington Mutual Inc), чиј колапс се случи во 2008 година.
Проблемите за банката започнаа во март, кога Питер Тиел и другите големи играчи од светот на ризичниот капитал ги советуваа компаниите од нивните портфолија да ги повлечат парите депонирани во СВБ. Советот следуваше по објавата на чадор-компанијата дека планира да собере две милијарди долари по загубите во своето портфолио.
СВБ е основана во 1983 година, за време на партија покер, меѓу Бил Бигерстаф и Роберт Медеарис, се наведува во соопштението објавено по повод 20-годишнината од нејзиното основање. Банката е специјализирана за обезбедување финансиски услуги за технолошки стартапи.
.webp){kind=icon}
