Француски финансиски обвинители претресуваат пет банки, вклучувајќи ја и „Сосиете женерал“ (Societe Generale SA), како дел од истрага за даночна измама и перење пари поврзани со исплати на дивиденди.
Од „Сосиете женерал“ веќе потврдија дека банката е дел од истрагата. Француското финансиско обвинителство исто така преку е-пошта потврди дека се претресуваат и ХСБЦ (HSBC Holdings Plc), „БНП Парибас“ (BNP Paribas SA) и „Натиксис“ (Natixis).
Прочитајте повеќе: Во Франција претреси во пет банки поради сомнежи за перење пари
Истрагата се однесува на т.н. cum/cum трансакции. Тие вклучуваат домашна банка што презема акции на компанија од странски инвеститор непосредно пред да се исплати дивидендата. Тоа овозможува да се бара даночно олеснување што странецот не може да го добие.
Истрагата за правните дупки што се користат за намалување на даноците за дивидендите е тековен скандал во Германија. Во француската истрага се вклучени и обвинители од таа земја.
Истрагата вклучува повеќе од 150 инспектори и шест германски обвинители од Келн.
Во Германија т.н. cum-ex трансакции ги користеа дупките во даночните закони што им дозволуваа на продавачите на краток рок и на вистинскиот имател на акциите да бараат даночни кредити на дивиденда што била платена само еднаш.
Стратегијата користела даночни сертификати издадени од банките вклучени како надзорници на трговијата. Германија ги елиминира контроверзните правила во 2012 година.
.webp){kind=icon}
