Повеќе од 100 компании од земјите на Европската унија (ЕУ) продолжуваат да работат во Русија речиси четири месеци по руската инвазија на Украина што резултираше со санкции од Западот против Москва и повлекување на многу компании од рускиот пазар.
Според истражувањето на Институтот за менаџмент на Јеил, тие 116 компании од ЕУ сочинуваат речиси половина од 247 мултинационални компании присутни во Русија и покрај санкциите против режимот на Владимир Путин.
Истражувањето следуваше откако руски тинк-тенк поддржан од Кремљ објави дека повеќе од половина од 5.000 странски компании во Русија не наметнале никакви деловни ограничувања и дека сè уште вработуваат околу два милиони луѓе.
Според истражувачите од Јеил, за повеќето компании кои ја напуштиле Русија, заработката на берзата ги надминува трошоците предизвикани од напуштањето на Русија.
Многу западни компании се пожалија дека немаат доволно информации за правилата на игра кога се во прашање санкциите против Русија, па затоа не се сигурни во кои случаи им е дозволено да продолжат да работат.
.webp){kind=icon}
Во моментов нема коментари за веста. Биди прв да коментира...