„Пума“ (Puma SE) објави зголемена продажба поради побарувачка на патики во Европа, но и свој прв раст во Кина по две години, истовремено предупредувајќи дека профитните маржи ќе останат под притисок од повисоките трошоци.
Приходите на компанијата во првиот квартал се зголемија за 14 проценти, на 2,19 милијарди евра (2,41 милијарди долари), што е малку пред просечната процена на аналитичарите. Сепак, бруто-маржата се намали поради зголемените трошоци за промоции, набавки и превоз.
„Пума“ ја ревидира својата прогноза за остатокот од годината, велејќи дека работењето може да оди малку побавно овој квартал, а треба да забрза налето и наесен. Компанијата предупреди дека стравовите од рецесија на различни пазари, постојано високата инфлација и покачените каматни стапки доведуваат до придушено расположение на потрошувачите и нестабилна побарувачка во малопродажбата.
Акциите на „Пума“ од почетокот на годинава се намалија за околу два отсто. Зголемената продажба во Европа, нејзиниот најголем пазар, како и зголемената побарувачка во Кина помогнаа да се неутрализираат континуираните проблеми во Северна Америка, каде што „Пума“ се бори со огромни резерви на евтини патики и облека.
Главниот извршен директор Арне Фројнт мора да се обиде да го одржи брзиот раст што беше карактеристичен за неговиот стар шеф Бјорн Гулден, кој сега го води интернационалниот ривал „Адидас“ (Adidas AG). Фројнт се обидува да ја зголеми профитабилноста на „Пума“, меѓу другото фокусирајќи се повеќе на продажба на поскапа облека и опрема за фудбал, кошарка и трчање во луксузни продавници, особено во САД.
Продажбата во големопродажбата порасна за 12 проценти, на 1,72 милијарда евра во првиот квартал, додека продажбата директно на потрошувачите се зголеми за 22,5 отсто.
.webp){kind=icon}
