Швајцарскиот производител на обувки „Он холдинг“ (On Holding AG) падна по објавата на растот на заработката и продажбата што не ги задоволи инвеститорите, откако акциите на компанијата речиси двојно се зголемија оваа година.
Акциите на оваа компанија паднаа дури за 10 проценти на тргувањето во Њујорк, намалувајќи ја пазарната вредност на компанијата на помалку од 10 милијарди долари. Производителот на обувки денеска објави скок во продажбата во првиот квартал од 78 проценти, на 420 милиони швајцарски франци (470 милиони долари), што е повисоко од процената на аналитичарите. И профитот исто така ги надмина очекувањата.
„Мислам дека нема ништо разочарувачко во извештајот. Акциите оваа година значајно пораснаа и некои инвеститори може силно да ги продадат“, рече Кристина Фернандез, аналитичарка во „Тесли“ (Telsey Group).
Компанијата за обувки поддржана од тенисерот Роџер Федерер ужива голема побарувачка, особено во Америка, бидејќи зема удел на пазарот од поголемите ривали, како „Адидас“ (Adidas AG), „Најк“ (Nike Inc) и „Пума“ (Puma SE). Фирмата со седиште во Цирих се прошири од своите швајцарски корени како чуден бренд за обувки со перформанси за трчање и стана една од најжешките компании во секторот за спортски обувки за рекреација во слободно време.
Компанијата треба да пријави силен раст за да ги оправда резултатите од своите акции, кои ги оставија „Најк“ и „Адидас“ далеку зад себе.
Швајцарскиот бренд денеска соопшти дека продажбата во Америка скокнала за 92 проценти и достигнала 270 милиони франци во првиот квартал, додека во Европа пораснала за 52 отсто, на 119 милиони франци.
„Нашиот фокус е на одржливиот раст. Секогаш кога ’Он’ скока на нови пазари, не ги ставаме сите карти во една сезона, туку развлекуваме во одреден временски период“, рече главниот извршен директор Мартин Хофман во телефонско интервју.
Производите на компанијата се заслужни за неколку професионални спортски подвизи, при што кениската тркачка Хелен Обири минатиот месец победи на маратонот во Бостон облечена во оваа марка чевли и облека, додека тениската ѕвезда во подем Ига Швитек победи на „Штутгарт опен“. Сето тоа го привлекува вниманието од најголемите конкуренти.
На почетокот на овој месец главниот извршен директор на „Адидас“, Бјорн Гулден, им рече на аналитичарите дека брендовите како „Он“ и „Хока“ (Hoka) ја менуваат динамиката на пазарот со тоа што ги земаат обувките со перформанси за трчање како главен производ.
„Треба да бидеме сигурни дека многу брзо ќе имаме одговор на тоа, и тоа е она на што работиме“, рече Гулден.
.webp){kind=icon}
