Колку порано го купите авиобилетот, толку подобра цена може да добиете за него, порачува Роланд Тишнер, извршен директор и офицер за операции во „Визер Унгарија“, кој деновиве беше во Македонија за промоцијата на новиот, шести воздухоплов на „Визер“ во базата во Скопје.
„Еден од факторите којшто влијае врз одредувањето на цените, е, секако побарувачката. И од особено значење е, кога патниците ги купуваат нивните авиобилети, односно датумот нели кога се купува, до датумот кога треба да се реализира летот. Она што сакам да го кажам со ова, е, дека колку порано го купите авиобилетот, толку подобра цена може да добиете за истиот. Исто така, други трошоци, односно фактори, коишто влијаат врз одредувањето на цената, се трошоците за самото работење односно за операциите. Цените на горивото и секако трошоците за работна сила, односно за вработувањата и нашите вработени. Но, сите овие фактори може да бидат, нели се променливи, сите може во исто време и да влијаат и да не влијаат на одредувањето на цените“, вели Тишнер.
МИА
Тој додава дека компанијата секогаш се труди да даде најдобра и најпристапна понуда за патниците.
Тишнер информира дека за компанијата моментално работат 250 лица од Македонија.
„Кога станува збор за новиот воздухоплов, во просек според нашите пресметки триесетина луѓе би биле дополнително ангажирани како кабински екипаж и околу 12 пилоти. Тоа се однесува на главните капетани на воздухопловите и првите офицери“, вели Тишнер.
.webp){kind=icon}
