„Нетфликс“ (Netflix Inc.) сериозно ја спроведува својата борба против споделувањето кориснички сметки во САД. Имено, компанијата денеска ги опиша постапките и трошоците за американските клиенти што сакаат да продолжат да ги споделуваат своите лозинки за пристап до услугите со луѓе надвор од своето домаќинство.
Лидерот за стриминг ќе започне да испраќа електронска пошта до клиентите што ги споделуваат своите лозинки, се наведува во блог-објава на компанијата.
„Нетфликс“ им дава можност на корисниците да ја споделат својата сметка за дополнителни осум долари месечно, што е поевтино од целосна претплата. Намалувањето на споделувањето лозинки, кое започна минатата година во Латинска Америка, е клучен дел од стратегијата на „Нетфликс“ да генерира повеќе приходи од корисниците.
Компанијата соопшти дека дури 100 милиони домаќинства на глобално ниво користат пристап до „Нетфликс“ за кој не плаќаат.
.webp){kind=icon}
