„Зуме“ (Zume Inc), некогашна компанија за производство на пица со роботи, што се карактеризираше со големи вложувања пред пандемијата, прекина со работа, информираат две лица запознаени со ова прашање.
Компанијата собра околу 450 милиони долари од „Вижн фонд“ (Vision Fund) на „Софтбанк“ (SoftBank Group Corp.) и други. „Зуме“ не одговори на барањата за коментар.
Компанијата инаку е основана во 2015 година, како една од многуте што се обидоа да користат роботи за правење пица. Концептот никогаш не заживеа, а технологијата имаше маки со технички предизвици, како што беше спречување кашкавалот да се излее при топењето додека пиците се печеа во камиони во движење.
Во јануари 2020 година компанијата скрати над половина од своите вработени и се префрли на амбалажа за пакување врз основа на знаењето на една компанија од Јужна Калифорнија, „Пивот пекиџинг“ (Pivot Packaging), која ја купи претходно.
.webp){kind=icon}
Во моментов нема коментари за веста. Биди прв да коментира...