.webp){kind=icon}
„Пегасус“ (Pegasus Hava Tasimaciligi AS) работи на нови нарачки на авиони додека турската нискобуџетна авиокомпанија се обидува да ја прошири својата мрежа на пазари, вклучувајќи ги Северна Африка и балтичките земји, и да се пресели во флота целосно формирана од „Ербас“ (Airbus).
Главната извршна директорка Гулиз Озтурк, кога ги презеде своите последни авиони од претходната нарачка, рече дека авиопревозникот има дополнителни потреби за по 2028 година. „Нискобуџетната компанија го разгледува авионот ’ербас А321нео’, додека ’Пегасус’ се ослободува од своите последни преостанати ’боинг ко. 737’“, рече таа во интервјуто на годишниот генерален состанок на Меѓународната асоцијација за воздушен транспорт во Истанбул.
„Времето на секоја нарачка ќе зависи од достапноста на 'Ербас', кој е сериозно ограничен поради зголемената побарувачка и проблемите со навремена испорака на авиони поради проблемите со синџирот на снабдување“, рече Озтурк. „’Пегасус’ е подготвен за раст благодарение на отворањето на втората писта на аеродромот ’Сабиха Гокчен’ во Истанбул во јули и додавањето нов терминал во 2026 година“, рече таа.
„Сè уште имаме многу можности за летање со авиони со тесно тело. Изборот на вистинскиот возен парк е уште еден двигател. Работиме на нова нарачка“, рече Озтурк на брифингот претходно.
„Пегасус“ очекува испорака на околу 40 авиони, од кои 16 ќе ѝ се приклучат на флотата веќе оваа година.
Авиокомпанијата сè уште ги опслужува Москва и Санкт Петербург од две дестинации во Турција, што е пад од шест дестинации каде што оперираше пред Русија да ја нападне Украина. „Сообраќајот кон и од Русија останува силен“, рече извршната директорка, која ја презеде функцијата пред една година.
Додека „Пегасус“ сака да ги продолжи операциите во Украина, Озтурк рече дека не е сигурна дали инфраструктурата на теренот ќе овозможи брзо враќање во земјата што е разурната од војната. „Компанијата исто така би била отворена за аквизиции и во други земји доколку обезбеди пристап до нов пазар“, рече Озтурк. Пред неколку години „Пегасус“ беше сопственик на авиокомпанија во Киргистан, но на крајот повторно ја продаде.
