Германски „Гересхајмер“ ќе вложи 126 милиони евра во новата фабрика во скопската зона Бунарџик. Ова е најголемата инвестиција од основањето на зоната.
Во новата фабрика на гермнаксиот фармацевтски гигант ќе се произведуваат специјализирани производи од медицинско стакло и шприцеви за вакцини. Според првичните проценки, во фабриката ќе работат над 180 луѓе чија плата ќе биде двојно поголема од просечната во земјата. Градбата на објектот треба да почне на есен, а производството во 2024 година.
Ова е втор проект на „Гересхајмер“ во земјава. И првиот се реализира во Бунарџик каде се произведуваат технолошки продукти за фармацевтската индустрија. Првичната инвестиција од 25 милиони е веќе зголемена на над 60 милиони евра.
„Гересхајмер“ е водечки глобален партнер во фармацевтската и здравствената индустрија кој произведува специјализирани производи од медицинско стакло и пластика, како шприцеви, канили, шишенца за вакцини и сл. Оваа компанија има погони за производство во над 36 локации во Европа, Северна и Јужна Америка и Азија со околу 10.000 вработени и остварува приходи од приближно 1,4 милијарди евра.
.webp){kind=icon}
