text size
Hyundai Motor Co. и Kia Corp. се соочуваат со истрага за измама и загадување од страна на Обвинителството во Франкфурт затоа што постои сомнеж дека користеле направи за лажирање во дизел моторите за да ги сокријат штетните емисии кои ги испуштаат во воздухот.
Денеска околу 140 полицајци извршиле претреси во осум објекти во Германија и Луксембург, пишува во соопштението од Обвинителството. Под истрага се лица од двете компании како и вработени во BorgWarneru, Inc., копманијата која ја поседува Delphi Technologies Plc, една од двете компании кои наводно го обезбедиле софтверот за дизел моторите, наведуваат обвинителите.
Портпаролот на Hyundai потврди дека во канцелариите во Германија биле извршени претреси и дека компанијата соработува со властите, одбивајќи да кометира повеќе. Претставниците на Kia, BorgWarner и Robert Bosch GmbH, другата компанија набавувач на софтверот наведена од страна на Обвинителството, не одговориле на барањата за коментар.
Случајот се однесува на 210.000 автомобили продадени во 2020 година. Според обвинителството, тие биле опремени со софтвер кој „масовно“ ги редуцира или комплетно ги елиминира штетните издувни гасови. На купувачите не им било кажано дека не се во согласност со европските стандарди, се наведува во соопштението.
Скандалот со дизел моторите ја вознемирува автомобилската индустрија уште од 2015 година кога американските власти соопштија дека под истрага е Volkswagen AG. Истрагата набрзо беше проширена на други производители на автомобили, а за некои од нив таа се уште трае.
.webp){kind=icon}
