.webp){kind=icon}
Друштвото за производство, трговија и услуги „Тхор индустриес“ и компанијата „ПЕ-ВЛА-КУ“ стекнуваат заедничка контрола над друштвото за градежништво и услуги „Соравиа инвест“ и над друштвото за градежништво и услуги „Соравиа менаџмент“, дознава „Блумберг Адрија“.
„Тхор индустриес“ е друштво основано во 2020 година во Македонија, а основната дејност е развој на градежни проекти. „ПЕ-ВЛА-КУ“ е една од најголемите градежни компании во Албанија и Косово, основана во 2005 година. Во своето постоење, а особено во последните години, „ПЕВЛА-КУ“ има планирано и успешно реализирано десетици градежни проекти. Со искуство од над 14 години, нивната работа, работење и делување се проширува и тие се присутни во многу зони на Албанија и Косово. Во Македонија, „ПЕ-ВЛА-КУ“ има присуство преку својата подружница „ПЕВЛА-КУ“ со регистрирана дејност развој на градежни проекти.
„Соравиа инвест“ е друштво со ограничена одговорност основано во 2006 година, со регистрирана дејност издавање и управување со сопствен недвижен имот или недвижен имот земен под закуп (лизинг). „Соравиа инвест“ е сопственик на бизнис-центарот „Соравиа“ кој се наоѓа во центарот на Скопје.
„Соравиа менаџмент“е друштво со ограничена одговорност основано во 2006 година, со регистрирана дејност управување со недвижен имот со хонорар или врз база на договор и дејствува како давател на услуги за управување на бизнис-центарот „Соравиа“.
