Туристите и бизнисмените во Јапонија наскоро ќе можат да патуваат со многу малку облека, благодарение на иницијативата на „Џапан ерлајнс“ и трговската комапнија „Сумитомо“ да понудат изнајмување облека за време на посетите на островската држава.
Опишувајќи ја иницијативата како обид за промовирање на одржлив туризам, истовремено обезбедувајќи погодности, авиокомпанијата најави дека посетителите ќе можат да изберат облека врз основа на големината и сезонските потреби преку веб-страницата пред да се качат на летот на „Џапан Ерлајнс“. Услугата ќе биде тестирана до август 2024 година.
Јапонските авиокомпании, хотели и ресторани се подготвуваат за пристигнување на повеќе патници сега кога ограничувањата за влез во земјата се целосно укинати и започнува летната туристичка сезона. Според Јапонската национална туристичка организација, бројот на посетители на земјата во мај достигна 1,9 милиони, што е речиси 70 отсто од нивото пред пандемијата во споредба со истиот месец во 2019 година.
Еден комплет облека ќе чини од 4.000 до 7.000 јени (28-49 долари), а луѓето ќе можат да изнајмат до осум комплети облека за период од две недели, во три големини: мала, средна и голема. Избрани стилови - елегантни, полу-формални и комбинирани - ќе бидат доставени до хотелот по избор на патникот.
Изнајмената облека ќе се набавува од вишокот облека од магацините, што ќе помогне да се намали отпадот. Авиокомпанијата ќе го пресмета намалувањето на емисиите на јаглерод врз основа на намалената тежина на авионот и ќе ги извести корисниците.
Трговската куќа „Сумитомо“ разви систем за онлајн резервации, како и купување, перење и испорака на облека.
.webp){kind=icon}
