Британската антимонополска агенција се договори со „Мајкрософт“ (Microsoft Corp.) и „Аквизишн Близард“ (Activision Blizzard Inc.) да ја стопира жалба во Лондон за спојувањето од 69 милијарди долари само неколку минути откако американскиот суд пресуди дека договорот може да се реализира.
„Подготвени сме да ги разгледаме сите предлози од „Мајкрософт“ за реструктуирање на трансакцијата на начин што ќе ја реши загриженоста покрената во нашиот конечен извештај“, изјави во вторникот портпаролот на Управата за конкуренција и пазари.
„Мајкрософт“ поднесе жалба до Апелациониот трибунал за конкуренција против одлуката на Управата за конкуренција и пазари да го блокира договорот. Судењето требаше да започне на 28 јули.
„Со цел да се даде приоритет на работата на овие предлози, двете компании се согласија со Управата дека би било од јавен интерес да се прекине судскиот спор во ОК и сите страни поднесоа заеднички поднесок до Жалбениот трибунал за конкуренција “.
„Мајкрософт“ доби одобрение од американскиот суд да продолжи со договорот, што е удар за американската Федерална трговска комисија, која се обидуваше да го блокира најголемиот договор досега.
„По денешната судска одлука во САД, нашиот фокус сега се враќа на ОК“, рече Бред Смит, потпретседател и претседател на Мајкрософт, потврдувајќи го барањето постапката да се стави во мирување. „Иако на крајот не се согласуваме со загриженоста на Управата, размислуваме како трансакцијата може да се измени за да се одговори на овие проблеми на начин прифатлив за оваа институција“.
.webp){kind=icon}
