Андреја Јосифовски ја зголеми сопственоста во „Макпетрол“

„Макпетрол“ преку Македонската берза информира дека претседателот на Управниот одбор, Андреја Јосифовски се стекнал со 135 обични акции од компанијата. 

Според податоците на Централниот депозитар за хартии од вредност, акционери кои поседуваат над пет проценти од акциите во „Макпетрол“ се командитното друштво „Оилко“ кое поседува 22,87 проценти од обичните акции издадени од компанијата и „Макпетрол“ која поседува 10 проценти од акциите.

Инаку, Јосифовски фигурира како еден од поголемите акционери во „Оилко“ каде што поседува 14,98 проценти од акциите. 

„Блумберг Адрија“ веќе пишуваше дека кога станува збор за учеството на менаџерите во сопственичката структура на компаниите општо прифатено правило е дека освен што имаат поголема моќ и легитимитет за одлучување и влијание врз деловните одлуки, со купување акции во компаниите со кои управуваат сигнализираат верба во успешни резултати, што секако може да биде од корист и за останатите потенцијални инвеститори.

 

Во моментов нема коментари за веста. Биди прв да коментира...

Остави коментар