Пет невладини организации и институции добија по 30.000 евра донација од „НЛБ банка“. Под мотото „Свет полн со добрина е свет полн со можности“, „НЛБ банка“ организираше настан на кој официјално им ги врачи донациите на организациите и институциите што според спроведената интерна анкета носат позитивни промени и се силна подршка за локалната заедница.
„Ние во НЛБ, одговорноста кон нашите клиенти, вработените и заедницата ја гледаме како наша мисија. Во исто време, добро знаеме дека не можеме сами да го промениме општеството на подобро, туку само здружени и заедно со поединци и организации што веќе работат на општествено корисни проекти и создаваат подобар свет. Им честитам на добитниците и искрено верувам дека овие донации ќе имаат позитивно влијание, ќе помогнат и ќе им донесат радост на многу наши сограѓани“, истакна претседателот на Управниот одбор на „НЛБ банка“, Бранко Грегановиќ.
НЛБ Банка
Добитници на донациите се: Асоцијацијата за цистична фиброза, Универзитетската клиника за гинекологија и акушерство во Скопје, Националната мрежа против насилство врз жени и семејно насилство, Црвениот крст на Град Скопје и здружението за асистивна технологија „Отворете ги прозорците“.
Проектот е дел од голема регионална донаторска акција на НЛБ групацијата. Иницијативата произлезе токму од Групацијата, која одлучи да донира вкупно 1,35 милион евра на сите пазари каде што е присутна. Вработените во целата НЛБ групација номинираа близу 100 организации, а потоа со гласање избраа повеќе од 30 приматели во целиот регион, меѓу кои здруженија, хуманитарни организации и групи што покриваат различни области: грижа за деца, грижа за социјално ранливите категории, семејства, стари лица, пациенти со ретки болести и др. Ваквите активности, како што беше посочено на настанот, ќе продолжат и во иднина, со цел да се подобри квалитетот на животот во нашиот регион, за денешните, но и за генерациите што доаѓаат.
.webp){kind=icon}
Во моментов нема коментари за веста. Биди прв да коментира...