text size
„Атлантик група“ во првите шест месеци од годинава оствари солиден годишен раст на продажбата од 15,8 отсто, но нето-добивката е помала за 5,5 отсто поради повисоките цени на суровините, логистичките услуги и на енергијата.
„Во првата половина на 2023 година, ’Атлантик група’ постигна силен раст на продажбата во сите деловни области и во дистрибуцијата, и тоа на сите поголеми пазари. Цените на суровините и материјалите за пакување, логистиката и другите услуги и енергентите сè уште се на високо ниво, што, како што објавивме, доведе до пад на профитабилноста. Овој пад на профитабилноста беше делумно ублажен со оптимизирањето на нашите внатрешни ресурси и со зголемувањето на цените на нашите производи“, изјави Емил Тедески, претседател на управата на „Атлантик група“.
Од компанијата додаваат дека на малиот пад на профитабилноста влијаело и значителното зголемување на трошоците за вработените поради извршеното зголемување на платите.
Bloomberg Chartmaker
Приходите од продажба во првата половина од годинава изнесуваат 459,7 милиони евра, а нето-добивката 20,9 милиони евра. Оперативната добивка (ЕБИТДА) остана непроменета на годишно ниво, во износ од 44,4 милиони евра.
„Особено сме задоволни од зајакнувањето на дистрибутивните основи преку проширувањето на главната мрежа во Словенија и отворањето модерен логистичко-дистрибутивен центар во Северна Македонија, перспективата за раст во продажбата на кафе на српскиот пазар и резултатите од лансирањето нови производи“, рече Тедески.
Кога станува збор за поединечни деловни сегменти, најголем раст, од 32,2 отсто, оствари деловната област „благо и солено“. Следува сегментот „пијалаци“ со брендот „Цедевита“, кој има раст од 20 проценти.
Во контекст на дистрибутивните области, Хрватска забележа највисок раст од 19,8 отсто, потоа Србија од 19,1 отсто и Северна Македонија од 18 отсто.
Интересно е што кафето со учество од 20,4 отсто се издвојува како најголема поединечна категорија во вкупните приходи од продажба.
Првата половина од годината ја обележија неколку многу ветувачки потези, како што се отворањето на новиот логистичко-дистрибутивен центар во Скопје или договорот со „Подравка“ за дистрибуција на производите на „Подравка“ од „Атлантик“ во Австрија и дистрибуција на производите на „Атлантик“ од „Подравка“ во САД.
„Атлантик група“ во мај достави обврзувачка понуда за преземање на „Штраус Адријатика“, познат по брендовите на кафе, а за склучување на трансакцијата е потребно претходно одобрение од српската комисија за заштита на конкуренцијата.
.webp){kind=icon}
