Француската компанија „Данон СА“ (Danone SА) соопшти дека останува законски сопственик на своите млекарници во Русија дури и откако владата на таа земја ја презеде контролата врз тој бизнис.
Производителот на „Активија“ (Activia) денеска ги објави резултатите од работењето во вториот квартал годинава. „Данон“ пријави 200 милиони евра (221 милион американски долари) како штета од овие операции, а претходно соопшти за дополнителни 500 милиони евра. Компанијата во октомври соопшти дека очекува отпишување од дури една милијарда евра од вкупните средства.
Рускиот бизнис има околу 8.000 вработени и 12 фабрики што произведуваат познати брендови, како што е павлаката „простоквашино“. Претходно овој месец „Данон“ го преименува својот бренд „Активија“ во Русија во „Актибио“ (AktiBio), што е дел од напорите да го локализира бизнисот и да ја заштити својата меѓународна интелектуална сопственост додека се обидуваше да замине оттаму.
Прочитај повеќе
ЕУ ја прошири листата на руски бизнисмени кои се под санкции
Сега под санкции ќе се сите бизнисмени вклучени во економските сектори и обезбедуваат значителен извор на приходи за Русија
09.06.2023
Германски „Хенкел“ има можност да ги откупи назад своите бизниси во Русија
За ова треба значително да се подобрат односите со Русија, не е доволно само крај на војната или прекин на огнот.
03.06.2023
ЕУ блокира над 200 милијарди евра на руската централна банка
Eвропската Унија има имобилизирано повеќе од 200 милијарди евра средства на руската централна банка откако Москва ја нападна Украина.
25.05.2023
Производителот на вискито „џејмисон“ ќе прекине со работа во Русија
Производителот на вискито „џејмисон“ рече дека ќе бидат потребни неколку месеци за да престане да се продава во Русија.
12.05.2023
Минатата недела, пак, Русија ги префрли средствата (имот и капитал) од оваа фирма на својата Федерална агенција за управување со имот за „привремено управување“, според указот на претседателот Владимир Путин. Владата го оправда потегот со неодамна донесените правила наменети за компаниите од „непријателските“ земји. Сега со бизнисот управува роднина на чеченскиот лидер Рамзан Кадиров.
Јакуб Закриев (32), кој е министер за земјоделство на Чеченија, е наведен како генерален директор на „Данон“ во Русија, покажуваат податоците на официјалната служба за откривање податоци „Спарк-интерфакс“ (Spark-Interfax). Тој е внук на Кадиров, чеченскиот владетел што е штитеник на Путин и кој постојано е обвинет за прекршување на човековите права во јужната руска република.
Главниот извршен директор на „Данон“, Антоан де Сен-Африк, рече дека компанијата останува фокусирана на безбедноста на вработените и оперативниот континуитет.
Компанијата исто така соопшти дека ќе направи корекција од 500 милиони евра на билансот на состојбата за да ги одрази негативните валутни трансакции.
.webp){kind=icon}
Во моментов нема коментари за веста. Биди прв да коментира...