„Алкалоид“ АД Скопје во периодот јануари-јуни 2023 година оствари единечна нето-добивка од 814.787.000 денари (13,2 милиони евра), што е зголемување од 19 проценти во однос на истиот период минатата година, соопшти компанијата преку Македонската берза. Остварената консолидирана нето-добивка во 2023 година изнесува 773.414.000 денари (12,5 милиони евра) и исто така бележи зголемување од 19 проценти.
Остварените единечни вкупни приходи во периодот јануари-јуни 2023 година изнесуваат 6.474.598.000 денари (105,2 милиони евра) и во споредба со остварените во истиот период во 2022 година бележат раст од 13 проценти.
„Во структурата на вкупните приходи најголемо учество, 97 проценти, имаат приходите остварени со продажба на производи и на услуги, кои во споредба со остварените во 2022 година бележат раст од 19 проценти“, информираат од компанијата.
Прочитај повеќе
„Алкалоид“ одбележа 45 години од постоењето на брендот „Бекутан“
Фармацевтската компанија „Алкалоид“ денеска одбележа 45 години на еден од своите најпрепознатливи брендови.
14.05.2023
„Алкалоид“ оствари добивка од 7,1 милиони евра за три месеци
Од вкупните консолидирани продажби, 72 проценти се остварени на странските пазари
28.04.2023
„Алкалоид“ со признание за водечки инвеститор во регионот
Компанијата „Алкалоид“ АД Скопје доби признание од Коморскиот инвестициски форум на Западен Балкан (WB6CIF).
30.03.2023
Избран старо-нов УО во Алкалоид: Тимот што победува не се менува
Нов шестгодишен мандат за петте членови на УО на Алкалоид
21.11.2022
Остварените консолидирани вкупни приходи во периодот јануари-јуни 2023 година изнесуваат 8.591.099.000 денари (139,6 милиони евра) и во споредба со остварените во истиот период во 2022 година бележат раст од 15 проценти.
Раст на продажбата
Од вкупните консолидирани продажби, 71 проценти се остварени на странските пазари. Најголем пораст кај извозните пазари бележат продажбите остварени во земјите од Источна Европа и во земјите од Западна Европа.
„Повисокиот раст на продажбите во првото полугодие од 2023 година, во однос на планираните, делумно се должи на недостигот од антибиотици од други производители на повеќето извозни пазари. Овие недостатоци „Алкалоид“ успеа да ги покрие преку зголемен обем на производство и на продажби на антибиотици од сопственото портфолио“, објаснуваат од компанијата.
Во периодот јануари-јуни 2023 година во „Алкалоид“ се реализирани 106 нови вработувања со што групацијата брои 2.733 вработени, од кои 2.065 се во земјава, а 668 се вработени во подружниците во странство.
Вкупните инвестиции во основни средства во периодот јануари-јуни 2023 година бележат раст од 91 проценти.
Се предвидува натамошен раст
Бизнис-планот за 2023 година, донесен со одлука на Управниот одбор на компанијата предвидува инвестирање на околу 11 проценти од консолидираните приходи од продажбите во материјални и во нематеријални средства, раст од 10 проценти на консолидираните продажби во однос на 2022 година, како и раст од 7 проценти на консолидираниот профит пред оданочувањето во однос на 2022 година.
„Бизнис-планот за 2023 година е базиран на очекувањата, проекциите и на можностите на тековните и на новите пазари и производи достапни за компанијата во моментот на изготвување на планот. Околностите и настаните во 2023 година, а со тоа и остварените резултати, може да варираат во однос на прикажаните во бизнис-планот“, велат од компанијата.
Бројни предизвици
Оттаму додаваат дека во изминатиот период друштвото се соочило со голем број интерни и екстерни предизвици и новонастанати ризици генерирани од енергетската и од економската криза.
„Презедовме голем број мерки во досегашниот период со цел неутрализирање на сите негативни ефекти, без притоа да се загрози успешното работење на друштвото.Во согласност со очекувањата, она кое доминираше во 2022 година, а кое продолжува и во првата половина од 2023 година е забележителниот раст на цените на голем дел од влезните суровини и материјали и на енергентите, како и порастот на цените за транспорт на глобално ниво, а особено значителните пролонгирања на роковите за испорака“, објаснуваат од компанијата.
Алкалоид
Од „Алкалоид“ потенцираат дека сето ова влијаело и врз стапката на инфлација, која достигна високо ниво, но и врз намалената предвидливост за нејзините идни трендови и додаваат дека во исто време, каматните стапки на регионалните и на европските пазари достигнале рекордно високо ниво во последните неколку години, што дополнително ги оптоварува оперативните трошоци во работењето.
„Покрај сето тоа, изразената неизвесност на глобалните економски текови доведе и до варијабилност на повеќето национални валути, што значително го зголемува ризикот од негативни курсни разлики во работењето. Како најголем предизвик и како прв приоритет за периодот што доаѓа и натаму останува грижата за здравјето на вработените, како и одржувањето на тековната ликвидност и на финансиската стабилност и остварувањето на планските цели“, велат од компанијата.
.webp){kind=icon}
