Финансиските резултати на „Визер“ (Wizz Air Holdings) во вториот квартал ги надминаа процените благодарение на растот на побарувачката за летови за време на шпицот на летната сезона на патувања во Европа.
Унгарската нискобуџетна авиокомпанија објави нето-приход од 61,1 милион евра во трите месеци заклучно со јуни. Тоа ја надмина просечната процена на аналитичарите од 51,5 милион евра, според податоците собрани од „Блумберг“.
„Летото оди добро, оперативно и од перспектива на приходи“, рече извршниот директор Јозеф Варади.
Прочитајте повеќе: „Луфтханза“: Профитот во третиот квартал ќе го надмине претпандемиското ниво
„Визер“ е најновиот во низата главни европски нискотарифни авиопревозници што известуваат за квартални приходи, по „Изиџет“ (EasyJet) и „Рајанер“ (Ryanair), кои ги надминаа процените. И покрај туристичкиот бум, некои аналитичари изразија загриженост за падот на побарувачката во зима предизвикан од инфлацијата и зголемените трошоци на живот.
„Визер“ го намали растот на капацитетот во првата половина од годината на 25 отсто во споредба со претходната прогноза од 30 отсто, се наведува во соопштението. Намалувањето на целта за раст е делумно резултат на новоутврдените проблеми со моторите на „Прет енд Витни“ (Pratt & Whitney), како и желбата за подобрување на приносите, посочуваат од компанијата.
Од „Рајанер“ велат дека кон крајот на годината би можеле да ги намалат цените на билетите за да обезбедат подобра пополнетост и да ја намалат прогнозата за сообраќајот за цела година од 185 милиони на 183,5 милиони патници.
.webp){kind=icon}
