text size
Компанијата „Тесла“ (Tesla Inc.) ги намали цените во Кина вторпат оваа недела, поттикнувајќи загриженост од повторно разгорување на ценовната војна за автомобилите. Производителот на автомобили ја намали цената на својот „модел С“ (Model S) и на спортското возило „модел X“ (Model Х) дури за 70.000 јуани (9.600 долари), на 754.900 јуани и 836.000 јуани, соодветно, се наведува во соопштението на компанијата објавено во средата.
Bloomberg
Потегот на компанијата доаѓа само по два дена откако „Тесла“ ги намали цените на верзиите со долг дострел и перформанси на теренецот „модел Y“ (Model Y) за 14.000 јуани и ја продолжи субвенцијата за осигурување за основната верзија на „модел 3“ (Model 3). Намалувањата на цените би можеле дополнително да ја забрзаат ценовната војна на најголемиот светски автомобилски пазар и да извршат притисок врз конкурентните производители на премиум-автомобили, како што се БМВ (BMW AG) и „Мерцедес“ (Mercedes-Benz Group AG), да го следат примерот. Покрај намалувањето на цените, остануваат и други воведени мерки што придонесуваат да се потикне продажбата, како стимулации со бесплатни кредити за брзо полнење и проби на подобрениот систем за упатување на автопилот на „Тесла“. Испораките на „Тесла“ од нејзината фабрика во Кина паднаа за 31 отсто во јули, на најниско ниво оваа година. Производителот на автомобили минатиот месец објави дека глобалното производство ќе падне во третиот квартал поради доцнењето на фабричките надградби, без да даде детали.
Bloomberg
Наскоро се очекува да започне производството на ажурираната верзија на „модел 3“. Главниот извршен директор на „Тесла“, Илон Маск, минатиот месец предупреди дека компанијата ќе мора да продолжи да ги намалува цените доколку каматните стапки продолжат да растат. Неколку круга на намалувања на цените веќе ја нарушија бруто-профитната маржа на компанијата во автомобилската индустрија, која во вториот квартал падна на најниско ниво во последните четири години.
.webp){kind=icon}
