X, платформата порано позната како Твитер, вреди помалку од половина од она што Илон Маск го плати пред една година.
Според ограничениот број на акции доделени на вработените, компанијата вреди 19 милијарди долари или 45 долари по акција, според извор запознаен со ситуацијата. Пред една година Маск го купи Твитер за 44 милијарди долари.
Од преземањето, повеќето вработени во Твитер беа отпуштени или дадоа отказ. Маск ја преименува компанијата во X, промени некои правила за содржината и изгуби повеќе од половина од приходите од реклами.
Компанијата се соочува со финансиски тешкотии под Маск. Во времето на преземањето, Твитер беше проценет на 44 милијарди долари, врз основа на мешавина на долг и капитал. Купувањето на Маск ја оптовари компанијата со долг од 13 милијарди долари, а со текот на времето, неговите непромислени одлуки и полибералните правила за содржина ги избркаа огласувачите, што придонесе за пад на продажбата од 60 проценти. Х исто така има околу 1,2 милијарда долари годишна камата на својот долг, како што претходно процени „Блумберг“.
Bloomberg
Планот на Маск за X е да се оддалечи од рекламирањето и да се насочи кон платени претплати. Досега, сепак, компанијата убедила помалку од еден процент од корисниците да се пријават за месечната премиум-услуга, за која „Блумберг“ проценува дека изнесува помалку од 120 милиони долари годишно.
Маск исто така јавно зборуваше за тоа дека X ќе стане „апликација за сè“ што може да генерира приходи преку функции како купување и плаќања. Компанијата неодамна воведе аудио и видеоповици, има бета-услуга за регрутирање и најави дека планира да отвори новинска агенција. Маск им кажа на вработените дека X планира да се натпреварува со Јутјуб на „Гугл“.
Кога извршната директорка Линда Јакарино разговараше со банкарите месецов за да го претстави финансискиот план на компанијата, таа сподели идеи за нови производи и услуги во компанијата X, вклучувајќи и лансирање на различни нивоа на рекламирање. Маск претходно посочи дека би сакал X да стане јавна компанија, но намалувањето на вредноста на компанијата може да го отежне тоа.
.webp){kind=icon}
